Մի խումբ ճարտարապետների հայտարարություն
Մենք՝ մի խումբ ճարտարապետներ և հարակից ոլորտների ներկայացուցիչներ, դատապարտում ենք Ճարտարապետության և շինարարության Հայաստանի ազգային համալսարանում սույն թվականի սեպտեմբերի 26-ին իրազեկության ակցիաների մասնակից-ուսանողների նկատմամբ կարմիրբերետավորների բռնության կիրառումը։ Ճարտարապետության ֆակուլտետը միշտ եղել է Հայաստանի այն հազվագյուտ կրթական միջավայրերից մեկը, որտեղ այլախոհ մտածողությունն ու ազատ կամարտահայտումը հանդիսացել են կրթական և մասնագիտական գործընթացների հիմնասյուներից մեկը։
Այս հայտարարությամբ կոչ ենք անում Ճարտարապետության և շինարարության Հայաստանի Ազգային համալսարանի ղեկավարությանը հավատարիմ մնալ 1990-ականներին հիմնադրված բարձրագույն ուսումնական հաստատության տարածքում ուսանողների հանրային և մասնագիտական ազատություններին՝ մեր երկրի համար այս կարևոր ժամանակաշրջանում։
Միևնույն ժամանակ, կիսում ենք Հայաստանի ամերիկյան համալսարանի պաշտոնական հայտարարությամբ բարձրաձայնված մտահոգությունը, որի համաձայն՝ նման միջադեպերը, ի թիվս վերոնշյալի, վնասում է նաև մեր երկրի իրավական և ժողովրդավարական պետություն լինելու հեղինակությանը։
Կարդացեք նաև
Հաշվի առնելով այս ծանր օրերի իրադրությունը մեր երկրում՝ մենք հայտնում ենք նաև մեր պատրաստակամությունը՝ նպաստելու մեր արցախցի բռնի տեղահանված և պարտադրաբար Հայաստան տեղափոխված հայրենակիցների կեցության խնդիրների լուծմանը ու սահմանների ամրապնդման գործում ներդնել մեր ողջ մասնագիտական կարողություններն ու ներուժը։
Աշոտ Սնխչյան, snkh. Studio
Արմինե Սնխչյան, snkh. Studio
Արմեն Հակոբյան, Տարբերակ արվեստանոց
Արսեն Կարապետյան, դ’Արվեստանոց
Արտակ Կնյազյան, Archangel և AGL Ճարտարապետական գրասենյակներ
Գագիկ Խաչատրյան, ՍՊ2 ճարտարապետական գրասենյակ
Զարուհի Ամիրաղյան, 2 Արքիթեքթս
Ինես Մարգարյան, ՍՊ2 ճարտարապետական գրասենյակ
Իրինա Մերդինյան, ՍՊ2 ճարտարապետական գրասենյակ
Կարեն Բերբերյան, Տարբերակ արվեստանոց
Հայկ Զալիբեկյան, tl bureau
Հայկ Ոսկանյան, Voskanyan Hayk Architect + Associates ճարտարապետական գրասենյակ
Սարհատ Պետրոսյան, ՍՊ2 ճարտարապետական գրասենյակ
Սևադա Պետրոսյան, ճարտարապետ
Նարբե Պետրոսյան, ճարտարապետ
Նեկտար Մկրտչյան, ճարտարապետ