«Բա որ սա Ադրբեջանի տարածք է, էս տականք ղեկավարությանն էդ տարածքից ո՞նց ենք ընտրել»,- Կիրանցում լրագրողներին ասաց ճանապարհը փակած քաղաքացիներից մեկը՝ առաջարկելով իշխանության ներկայացուցիչներին գնալ ու տեղում տեսնել, թե ի՞նչ է կատարվում:
Մարդիկ բերել են իրենց տների կադաստրի վկայականները՝ ապացուցելով, որ այն տարածքները, որոնք այժմ ՀՀ կառավարությունը փորձում է հանձնել Ադրբեջանին՝ ասելով, թե դրանք հայկական հողեր չեն, իրականում հայկական են եւ իրենց սեփականությունն են: Այդ վկայականները մոտ երեք տասնյակ են:
Այդ փաստաթղթերում նաեւ վարելահողերն են, որոնք պատկանում են տեղի բնակիչներին:
Կարդացեք նաև
Հիշեցնենք, ճանապարհի Կիրանց-Ոսկեպար հատվածն արդեն մի քանի օր է՝ փակ է: ՀՀ կառավարությունը սահմանազատման-սահմանագծման «պիլոտային» ծրագիր է իրականացնում եւ առաջին սյուներն արդեն տեղադրվել են: Մարդիկ պայքարում են անօրինական սահմանազատման-սահմանագծման գործընթացի դեմ: Իսկ քիչ առաջ հայտնի դարձավ, որ ականազերծման աշխատանքների ժամանակ, ՀՀ ԶՈՒ զինծառայող է պայթել ականի վրա: ՀՀ ՊՆ-ն հաստատեց տեղեկությունը՝ տուժածի վիճակը բավարար գնահատելով:
Իրավիճակը տեղում շարունակում է լարված մնալ: Մարդիկ պատրաստվում են այս գիշերը ևս ճանապարհին անցկացնել՝ կոչ անելով Հայաստանի ողջ բնակչությանը ոտքի կանգնել, քանի որ այս գյուղերի հանձնումով, վստահ են, որ Հայաստանի ամբողջական հանձնումն օրերի խնդիր է լինելու:
«Ալեն Սիմոնյանի նմաններն ասում են՝ էդ ի՞նչ ներկայացումներ են․ սա ներկայացում չի, սա իրական մարդկանց տներ ու ճակատագրեր են, այ խեղկատակներ»,- լրագրողների հետ զրույցում ասաց ԱԺ «Հայաստան» խմբակցություն պատգամավոր Գառնիկ Դանիելյանը՝ արձագանքելով Տավուշում և Հայաստանի այլ հատվածներում իրականացվող բողոքի գործողությունների մասին ԱԺ նախագահ Ալեն Սիմոնյանի հայտարարությանը։ «Էս մարդկանց տները, այգիները, շիրիմները տալիս եք թուրքին, եկեք բոլորիդ հատ-հատ ցույց տամ էս մարդկանց սեփականության վկայականները։ Ինչքա՞ն կարան պիղծ լինեն, եկեք դե պատասխան տվեք էս մարդկանց, հարյուրավոր մեր քաղաքացիներ իրենց վկայականները ձեռքները սպասում են ձեզ»,- ՔՊ-ական իշխանավորներին դիմեց Գառնիկ Դանիելյանը:
Նելլի ԳՐԻԳՈՐՅԱՆ
զիրենք ընտրել էք, քանզի իրենք տականք են, սակայն դուք էլ՝ անխելք