«Մինչ այս ես ղեկավարում էի ԵՊՀ Ժուռնալիստիկայի ֆակուլտետի PR եւ հաղորդակցային տեխնոլոգիաներ մագիստրոսական ծրագիրը, որն արհեստականորեն փակվեց, եւ հայտարարվեց, որ չկան դիմորդներ»,- ԵՊՀ-ից քաղաքական հայացքների համար հեռացված դասախոսների ասուլիսի ժամանակ ասաց ԵՊՀ Ժուռնալիստիկայի ֆակուլտետի PR եւ հաղորդակցային տեխնոլոգիաներ մագիստրոսական ծրագրի նախկին ղեկավար, բանասիրական գիտությունների թեկնածու Աստղիկ Ավետիսյանը:
«2011 թվականից ծրագիրը շատ ակտիվ գործում է, եւ միշտ հատկացված տեղերից շատ ավելի դիմորդներ են եղել, այսօր նաեւ այդ դիմորդներին կարող ենք տեսնել լրագրողների շրջանում: Հստակ պետք է ասեմ, որ չի եղել որեւէ շրջանավարտ, որը աշխատաշուկայում իր տեղը չի գրավել:
Երբ որ կրթական ծրագիր է փակվում եւ հայտարարվում է այդ մասին , առաջին հերթին պետք է իրականացնել մշտադիտարկում եւ տեսնել՝ արդյունավե՞տ էր ծրագիրը, թե ոչ: Դասախոսներն ու ուսանողները ինչից են գոհ, ինչից դժգոհ, հետո դա քննարկվում է ամբիոններում, ֆակուլտետային գիտխորհրդում, գալիս են որոշակի եզրակացության: Մեզ մոտ որեւէ նման բան տեղի չի ունեցել»,-նշեց Աստղիկ Ավետիսյանը
Նա նաեւ ընդգծեց, թե մամուլից է տեղեկացել, որ ժուռնալիստիկայի ֆակուլտետում փակվել է մագիստրոսական ծրագիրը, սակայն այն բացվել է մեկ այլ ֆակուլտետում: Աստղիկ Ավետիսյանի ձեւակերպմամբ, ստացվում է՝ սուրճի սեղանի շուրջ նստած են քննարկում՝ ինչը հանեն եւ ինչը թողեն:
Կարդացեք նաև
Մանրամասն՝ տեսանյութում.
Գոհար ՀԱԿՈԲՅԱՆ
