Մեկնարկել են Երևանի զարգացման 2024 թ. ծրագրի իրականացման և Երևանի բյուջեի կատարման հաշվետվությունների վերաբերյալ հանրային քննարկումները

Երևանի քաղաքապետարանը հրավիրում է բոլոր շահագրգիռ ֆիզիկական և իրավաբանական անձանց մասնակցելու Երևան քաղաքի զարգացման 2024 թվականի ծրագրի իրականացման և Երևան քաղաքի 2024 թվականի բյուջեի կատարման հաշվետվությունները հաստատելու մասին ավագանու որոշման նախագծերի վերաբերյալ հանրային քննարկումներին:

Նշված համատեքստում Երևանի քաղաքապետարանում կայացավ Երևանի քաղաքապետին կից քաղաքային համայնքի զարգացման հնգամյա ծրագրի և տարեկան բյուջեի կառավարման խորհրդի  նիստը:

Խորհրդի անդամներին ներկայացվեցին «Երևան քաղաքի զարգացման 2024 թվականի ծրագրի իրականացման հաշվետվությունը հաստատելու մասին» և «Երևան քաղաքի 2024 թվականի բյուջեի կատարման հաշվետվությունը հաստատելու մասին» ավագանու որոշման նախագծերը, որոնք պետք է դրվեն հանրային քննարկման:

Խորհրդի անդամների միաձայն քվեարկությամբ որոշվել է նախագծերը սահմանված կարգով ներկայացնել 2025 թվականի փետրվարի 11-ից փետրվարի 26-ը ներառյալ կայանալիք հանրային քննարկման, որի ընթացքում փետրվարի 24-ին՝ ժամը 15:00-ին կանցկացվի հանրային բաց լսում:
Մասնակցության համար անհրաժեշտ է առձեռն կամ առցանց ներկայացնել դիմում՝ մինչև փետրվարի 23-ը ներառյալ:

Կարդացեք նաև

Սարյան փողոցը կդառնա միակողմ, Սուրբ Գրիգոր Լուսավորիչ-Մաշտոցի պողոտա խաչմերուկում կավելացվի ձախ երթեւեկելի մեկ հավելյալ գոտի. Վազգեն Հարությունյան

• 13:04 04.06.2025

«Երևանի գինու օրերը» փառատոնի ընթացքում մի շարք փողոցներ փակ կլինեն

• 11:05 04.06.2025

Երևանի փոխքաղաքապետ Սարգիս Մադաթյանը և Գերմանական կարմիր խաչի ներկայացուցիչները անդրադարձել են ընթացիկ ծրագրերին, նախանշել առաջիկա անելիքները

• 17:12 03.06.2025

2025 թվականի փետրվարի 11-ից փետրվարի 26-ը ներառյալ քաղաքացիներն իրենց առաջարկներն ու դիտարկումները կարող են ուղարկել նաև առցանց՝ www.yerevan.am, www.e-draft.am կայքերով, էլեկտրոնային փոստով ([email protected]),  ինչպես նաև գրավոր ներկայացնել քաղաքապետարան:

Լրացուցիչ տեղեկությունների համար զանգահարել 011-514-192 հեռախոսահամարով:

Երևանի քաղաքապետարան