«Հերիք է մեր ժողովրդին փորձեք համոզել, որ Հայաստանի եւ Ադրբեջանի միջեւ եղած միակ խնդիրը արցախյան հարցն է։ Այ, արցախյան հարցը հենց փակենք, էլ որեւէ խնդիր չենք ունենա»,- ԱԺ-կառավարություն հարցուպատասխանի ժամանակ Նիկոլ Փաշինյանին դիմեց «Հայաստան» խմբակցության պատգամավոր Քրիստինե Վարդանյանը։ Նա նշեց, որ ՀՀ իշխանությունն անընդհատ զիջում է, չի խոսում արցախցիների վերադարձի մասին, իսկ Ադրբեջանը խոսում է ադրբեջանցիների՝ Հայաստանում բնակեցման մասին։
«Ժողովուրդն ամեն տարի մեծացող շարժումով գալիս է, ձեզ ասում է՝ հեռացեք։ Եթե ձեզ համար որեւէ թիվ կա, որ դրանից հետո է ժողովուրդ, այդ թիվն ասեք, մենք շատ արագ դա կկազմակերպենք»,- ասաց Քրիստինե Վարդանյանը։ Նա ասաց․ «Մեր խնդիրն այն է, որ ձեր պատկերացրած իրական Հայաստանը Ադրբեջանի պատկերացրած արեւմտյան Ադրբեջանն է։ Հայաստանում կա երկընտրանք եղածն ամեն գնով պահելու եւ ամեն ինչ կորցնելու միջեւ, դուք ամեն ինչ կորցնելու ճանապարհն եք ցույց տալիս»։
Նիկոլ Փաշինյանն արձագանքեց․ «Եթե որեւէ բանի մասին խոսում եք, վատ չի լինի փորձել համոզվել՝ հասկանո՞ւմ եք ինչի մասին եք խոսում, թե՞ այդքան էլ չէ»։
Մանրամասները՝ տեսանյութում
Կարդացեք նաև
Ռոզա ՀՈՎՀԱՆՆԻՍՅԱՆ
