Ermenihaber. Հայաստան-Թուրքիա սահմանին թուրք երիտասարդ է կորել. թուրքական լրատվամիջոցները գրում են, որ Թուրքիա-Հայաստան սահմանին՝ Իգդիրում, ապօրինի ճանապարհով սահմանը հատել փորձած չորս ընկերներից մեկը՝ 28 տարեկան Իսմայիլ Ադիրը, անհետացել է:
Ընկերների հաղորդումից հետո դեպքի վայր են մեկնել թուրքական ժանդարմերիայի ու «Աղետների և արտակարգ իրավիճակների վարչության» (AFAD) ստորաբաժանումները:
Մեկնարկել են երիտասարդի որոնողական աշխատանքները։ Կասկածներ կան, որ սահմանն անցնելիս նա ընկել է Արաքս գետը։
ԼՐԱՑՈՒՄ. Թուրքիայում փրկարարներն Արաքս գետում ավելի ուշ հայտնաբերել են Իսմայիլ Ադիրի մարմինը, որն անհետացել էր Իգդիրում՝ Հայաստանի հետ սահմանին։
