Իսկ Հայաստանը՝ հազիւ 3 միլիոն բնակչութեամբ եւ 29,743 քառակուսի քիլոմեթր հողատարածքով, որ օրը օրին կը պակսի Ատրպէյճանի անսահման պահանջներով, իր եկամուտի սահմանափակ աղբիւրներով եւ տկար դիրքով, կը տառապի իր վայրագ թուրք դրացիներէն. Հայաստանը ուժեղ դաշնակիցներու կարիք ունի գազանին դէմ կանգնելու համար, սակայն ո՞վ պատրաստ է քաղաքական այդ դերը կատարելու, ինչո՞ւ եւ ի՞նչ շահ ակնկալելով:
Ահաւասիկ անհաւասարակշիռ բանակցութիւններ, որոնք կը ստիպեն տկար կողմը՝ Հայաստանը, շարունակ զիջումներ ընել, իսկ Թուրքիան աւելին կը պահանջէ մինչեւ որ հասանք մեր սահմանած ԿԱՐՄԻՐ գիծին՝ Ցեղասպանութեան, որ անկարելի է զիջիլ:
Խօսքը 1915ի Հայոց Ցեղասպանութեան մասին է (1915-1923), որ պատճառ դարձաւ մէկ ու կէս միլիոն հայերու ոչնչացման Օսմանեան կայսրութենէն ներս:
Մենք հայերս երբեք փաստերու կարիք չունինք, որովհետեւ 1.5 միլիոն փաստ ունինք, զոհ ունինք:
Կարդացեք նաև
Երբ ներկայիս աջէն ձախէն ձայներ կը բարձրանան եւ կը պնդեն, թէ Ցեղասպանութիւնը անցեալին կը պատկանի, կամ կը մեղմացնեն անոր ազդեցութիւնը եւ անտարբեր կը մնան եղածին հանդէպ, ինչպիսի՞ հոգեկան խանգարումի մէջ պէտք է ըլլան այդպիսի մարդիկ:
Մենք այդ մէկը մեր մորթին վրայ զգացած ենք, ամէն մէկ մամիկ ու պապիկ իր պատմութիւնը ունի, ինչ խիղճով պիտի կարողանայ որեւէ անհատ այդ ողբերգութիւնները ուրանալ եւ անտեսել, նոյնիսկ քաղաքական շահերու համար: Եւ որո՞ւն սիրոյն համար, որո՞ւն շահին համար, թուրքերո՞ւն, մեր դարաւոր թշնամիի՞ն համար:
Թուրքը թուրք է, չէ փոխուած եւ կարելի չէ որ փոխուի: Եթէ քաղաքականութիւնը եւ հարեւան երկիրներ ըլլալը մեզմէ կը պահանջեն, եւ աւելի ճիշդը կը ստիպեն, որ այդ թշնամի հարեւանին մօտենալ եւ անոր հետ գործակցիլ, պէտք է լաւ մտածել եւ պատրաստուիլ անոր դէմ եւ զգուշութեամբ գործակցիլ անոր հետ:
Թուրքերը մեծամասնութեամբ ցեղապաշտ մարդիկ են։ Որոշ հոգեբաններ ցեղապաշտութիւնը (racism) հոգեկան հիւանդութիւն կը համարեն, որ մտաբուժութիւն, ջղատապաբուժութիւն (psychotherapy) կը պահանջէ:
ՃՐՏԳ. ՀԱՄԲԱՐՁՈՒՄ ԱՂՊԱՇԵԱՆ
Հոդվածն ամբողջությամբ՝ «Ասպարեզ» թերթում:
