Իրավապաշտպան Արթուր Սաքունցի ֆեյսբուքյան գրառումը
1.Հայաստանի Հանրապետությունը վավերացրել է Հռոմի ստատուտը և պարտավորություններ է վերցրել Միջազգային քրեական դատարանի առջև:
Միջազգային քրեական դատարանի դատախազը որոշում է կայացրել ձերբակալելու Վլադիմիր Պուտինին պատերազմական հանցագործությունների կատարման մեղադրանքի հիմքով:
2.Հայաստանի Հանրապետությունը ընդունել է Եվրոպական միությանը անդամակցելու գործընթացի սկզբի մասին օրենք:
Կարդացեք նաև
Եվրոպական միությունը պատժամիջոցներ է սահմանել ու շարունակում է նոր ավելի խիստ պատժամիջոցներ սահմանել Ռուսաստանի դեմ Ուկրաինայի դեմ սանձազերծած և շարունակվող ագրեսիայի պատճառով:
3.Եվրոպայի խորհուրդը հեռացրել է իր կազմից Ռուսաստանի Դաշնությանը մարդու իրավունքների համակարգային և անպատիժ ու շարունակական խախտումների, որպես Եվրոպայի Խորհրդի անդամ իր պարտավորությունները չկատարելու պատճառով:
Հայաստանի Հանրապետությունը հանդիսանում է և շարունակում է մնալ Եվրոպայի խորհրդի անդամ այդ նույն պարտավորությունները կատարելու հանձնառությամբ:
Հիմա հարց.
ի՞նչ է անում Հայաստանի Հանրապետության վարչապետը Մոսկվայում, նույն Ռուսաստանի Դաշնությունում.
1.ջանքեր է գործադրելու կատարել Միջազգային քրեական դատարանի դատախազի որոշումը ի կատար ածելո՞ւ, որպեսզի ձերբակալվի Վլադիմիր Պուտի՞նը,
2.ջանքեր է գործադրելու, որպեսզի Պուտինը դադարեցնի ագրեսիան Ուկրաինայի դե՞մ,
3 թե՞ ջանքեր է գործադրելու, որպեսզի Պուտինը չհետապնդի իր քաղաքացիներին՝ ընդդիմադիրներին, լրագրողներին, իրավապաշտպաններին, ակտիվիստներին նրանց կարծիքի համա՞ր:
Բնականաբար՝ ոչ:
Թե՞ Կրեմլում աշխարհի թիվ մեկ դիկտատորին ձեռք սեղմելով վստահություն է ձևավորելու, որ Հայաստանի Հանրապետությունը հետամուտ է իր միջազգային հանձնառությունները կատարելու, կամ, թե նման վստահություն է ստեղծվելու ԵՄ-ի առանցքային անդամ պետությունների ղեկավարների մոտ:
Վերջապես, Ռուսաստանից Հայաստանի կախվածությունը նվազեցնելու խնդի՞ր է լուծելու:
Թե՞ լուծելու է Հայաստանի դեմ Ռուսաստանի կողմից ուղղակի սպառնալիքները մեղմելու, կանխելու խնդիրը:
Որն է հիմնավորումը նման այցի:
