Ուքրանիոյ նախագահը ԻՔՍ-ի միջոցաւ յայտարարեց, որ իր առաջին հեռախօսազրոյցը ունեցաւ Լեւոն ԺԴ Պապին հետ եւ շնորհակալութիւն յայտնեց իր երկրին ցուցաբերած աջակցութեան համար։
Վազգէն Աբարդեան – Վատիկան
«Ես խօսեցայ Լեւոն ԺԴ-ի հետ։ Սա մեր առաջին զրոյցն է, բայց ան արդեն ջերմ եւ խոր էր։ Ես շնորհակալութիւն յայտնեցի Նորին Սրբութեան Ուքրանիոյ եւ մեր ողջ ժողովուրդին ցուցաբերած աջակցութեան համար», Ուքրանիոյ նախագահ, Վլատիմիր Զելենքսի իր Իքս ընկերային ցանցի վրայ յայտարարեց որ հեռախօսազրոյց ունեցած է Նորընտիր Պապին հետ»։ Հեռախօսազրոյցի Լուրը հաստատեց Սուրբ Աթոռի մամլոյ գրասենեակի տնօրէն, Մաթէօ Պրունին։
«Երկար գրառումի մէջ Նախագահ Զելենսքի խոր գնահատանք յայտնեց Քահանայապետին՝ երեկ առաւօտեան Մարեմեան աղօթի ընթացքին արտասանած պատգամին մէջ ըսած խօսքերուն համար՝ «մեր երկրի համար արդար եւ երկարատեւ խաղաղութեան հասնելու եւ բանտարկեալները ազատ արձակելու անհրաժեշտութեան մասին»։
Կարդացեք նաև
Նախագահ Զելենսքի աւելուց նաեւ որ, Քահանայապետը իր հետ խօսած է «Ռուսաստանէն արտաքսուած հազարաւոր Ուքրանացի երեխաներու» մասին։ «Ուքրանիան յոյսը կը դնէ Վատիկանի օգնութեան վրայ՝ զանոնք իրենց ընտանիքներուն մօտ վերադարձնելու համար։ Ես Հռոմի Քահանայապետին տեղեկացուցի Ուքրանիայի եւ մեր գործընկերներուն միջեւ կնքուած համաձայնագիրի մասին, որուն համաձայն այսօրուանէ սկսեալ պէտք է սկսի լիակատար եւ անվերապահ հրադադար՝ առնուազն 30 օրով» գրած է Ուքրանիոյ նախագահը։ « Ես նաեւ վերահաստատեցի Ուքրանիոյ պատրաստակամութիւնը՝ ցանկացած ձեւաչափով յետագայ բանակցութիւններուն, որոնց շարքին՝ ուղիղ բանակցութիւնները, դիրքորոշում մը, որ մենք բազմիցս ընդգծած ենք»։
Նախագահ Զելենսքի գրառումը եզրափակեց բացատրելով, որ Ինք Լեւոն ԺԴ Պապը հրաւիրեց առաքելական այց կատարելու Ուքրանիա. «Նման այցելութիւն մը իրական յոյս կը բերէ բոլոր հաւատացեալներուն եւ մեր ողջ ժողովուրդին։ Մենք պայմանաւորուեցանք կապի մէջ մնալ եւ մօտիկ ապագայի անձնական հանդիպում կազմակերպել»։
