Լրահոս
Օրվա լրահոսը

Կոլյա Միքաելյանը կարևորել է վերջին տարիներին մարզում ֆրանսիական տարբեր քաղաքների հետ ձևավորված կարևոր և խորհրդանշական կապերը

Մայիս 14,2025 19:03

Մայիսի 13-ին Վայոց ձորի մարզպետ Կոլյա Միքաելյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին:

Մարզպետը շնորհակալություն է հայտնել դեսպանին կրկին Վայոց ձորի մարզ այցելելու համար՝ շեշտադրելով Հայաստանի և Ֆրանսիայի միջև ընդհանուր արժեքների վրա հիմնված և տարբեր ոլորտներում զարգացող հարաբերությունների համատեքստում նաև ապակենտրոնացված համագործակցության հեռանկարները և ակնկալվող արդյունքները։

Կոլյա Միքաելյանը անդրադարձել է վերջին տարիներին մարզում ֆրանսիական տարբեր քաղաքների հետ ձևավորված կարևոր և խորհրդանշական կապերին, ընդհանրություններին, դրանք ամրապնդելու և զարգացնելու հնարավորություններին։

Դեսպանը ևս շնորհակալություն հայտնեց ջերմ ընդունելության համար՝ նշելով , որ երկու ժողովուրդների միջև տարբեր մակարդակներում կապերը հիմք են հանդիսանում դրանց ընդլայնման և զարգացման համար, օրինակ՝ գինեգործության ոլորտում զարգացող հարաբերություններում նաև անհատ ներդրողների ներգրավում, ապակենտրոնացված համագործակցությունների ակտիվացմանն ուղղված ծրագրերի իրականացում և այլն։

Անդրադարձ է կատարվել նաև ԵՄ դիտորդական առաքելության ներկայությանը, ԼՂ բռնի տեղահանված անձանց աջակցությանը, կրթական, մշակութային, առողջապահական, գյուղատնտեսական, զբոսաշրջային ոլորտներին առնչվող մի շարք հարցերի։

Ամփոփելով հանդիպումը՝ կողմերը հույս են հայտնել, որ գոյություն ունեցող կապերը կարող են և պետք է վերստին զարգանան նոր գաղափարներով, փոխադարձ այցելություններով և համատեղ նախաձեռնություններով, ինչը կնպաստի համայնքների միջև առարկայական գործընկերության ձևավորմանը։

 

ՀՀ Վայոց ձորի մարզպետի աշխատակազմ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մայիս 2025
Երկ Երե Չոր Հնգ Ուրբ Շաբ Կիր
« Ապր   Հուն »
 1234
567891011
12131415161718
19202122232425
262728293031