«Խուլիգանությունը, որ տեղի է ունենում ԱԺ-ում, վկայում է այս իշխանության վախերի մասին։ Այս խուլիգանախումբը, որպես որոմ՝ լցված մեր կյանք թշնամու կողմից, մեր կայնքի սպառնալիքն են դարձել»,- այսօր, ֆեյսբուքյան ուղիղ եթերում հայտարարեց «Սրբազան» շարժման առաջնորդ Բագրատ սրբազանը։
«Որոմները մաքրելու ժամանակը հասել է»,- ասաց նա՝ հավելելով, որ շատ կարճ ժամանակահատվածում շարժման երիտասարդական թեւի նախաձեռնության՝ «Չեմ վստահում Նիկոլ Փաշինյանին» շրջանակներում, շուրջ 20 հազար մարդ իր անվստահությունն է հայտնել ՔՊ-ական իշխանությանը։
Նրա գնահատմամբ, այս իշխանությանը հեռացնելու համար 2026 թվականի ընտրությունները շատ հեռու են Աստվածաշնչից ընթերցեց «Որոմների առակը»՝ դրա խորհուրդը մեր իրականության վրա անդրադարձնելով էլ նկատեց՝ նախ պետք է մեր կայնքից եւ իրականությունից ճիշտ ժամանակին որոմը՝ «չարիքի իշխանությունը», անպիտանը հեռացնենք, որպեսզի ցորենի հասկի աճը ապահովվի, որպեսզի որոմները չխեղդեն ցորենի հասկը՝ դարձնելով մեր կյանքը մաքուր ու պարզ։
Սրբազանը նաեւ տեղեկացրեց, որ այս ձեւաչափով քաղաքացիների հետ սա իր վերջին հանդիպումը կլինի․ հաջորդիվ՝ նա այլ ձեւաչափերով եւ այլ վայրերում հանդիպումներ կունենա։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
