Արտակարգ դեսպանորդ եւ լիազոր նախարար, հասարակական-քաղաքական գործիչ Էդգար Ղազարյանը «Հայելի» ակումբում մեջբերելով կառավարության նիստում Նիկոլ Փաշինյանի՝ Հայ Առաքելական Սուրբ եկեղեցու հասցեին հնչեցրած վիրավորական արտահայտությունները, թե դրանք չուլանների են վերածվել, աղբ, հին շորեր ու կոշիկներ են լցված, ինչ-որ մեկը կռավատ է դրել՝ ասաց. «Պարզ է, որ այդպիսի բան գոյություն չունի: Նախ, սկսենք նրանից, որ ինքը եկեղեցիներ չի այցելում, ինքը մեր եկեղեցու զավակ չի, ինքը նույնիսկ Տաղավար տոներին, ասենք, Սուրբ Ծննդյան տոնին, եկեղեցի չի այցելում: Անցած տարի էլ, այս տարի էլ այցելել է խոնարհված եկեղեցի, որը ոչ գմբեթ ունի, ոչ խորան, ոչ քահանա: Ինքը տաղավար տոներին Հայրապետական պատարագներին չի մասնակցում, ինքը սովորական կիրակի օրերին եկեղեցիներ չի այցելում, հաղորդություն չի ստանում: Այսինքն, եկեղեցի չի այցելում:
Մենք այսքան եկեղեցիներ ենք այցելել, հիմա մեզ լսելու են տասնյակ հազարավոր մարդիկ: Թող մեկն ասի՝ եկեղեցում աղբ տեսե՞լ է, թե՞ չէ: Պարզ է, որ այդպիսի բան չի կարող լինել: Մեկը եկեղեցում կռավատ տեսե՞լ է, որ բերեն, դնեն:
Բոլորս գիտենք, որ մեր եկեղեցիները նախ եւ առաջ գտնվում են հոգևորականների, սպասավորների ամենօրյա խնամքի, հոգածության ներքո, հավատացյալները նույնիսկ կամավոր են գրվում, գնում, եկեղեցու հատակը, պատերն են մաքրում: Ամեն մի եկեղեցի ունենում է Խաչի քավոր, որը մի տարվա ընթացքում իր միջոցներով, իր ընտանիքով բարեկարգություններ, եկեղեցուն նվիրատվություններ է անում:
Պարզ է չէ՞, որ նա անարգում է: Իմ սրբավայրը, որտեղ ես ծնկի եմ գալիս, հաղորդություն եմ ստանում: Միայն իմը չէ՝ բոլորիս սրբությունը անարգում է մի սրբապիղծ: Դա նույնն է, որ մի կուռո հայ եկեղեցու հասցեին վիրավորանքներ հնչեցնի, ասի՝ դուք որտեղ որ գնում եք, ենթադրենք, ձեր հարազատի հոգեհանգստի արարողությանը, այնտեղ, մարդու լեզուն էլ չի պտտվում, ասի, ենթադրենք, այնտեղ աղբ կա, որտեղ մենք մեր երեխաներին տանում ենք մկրտության, որը մեր համար ամենաթանկ տեղն է, մեր երեխաների մկրտության վայրից ավելի սուրբ տեղ չկա, ամուսնության վայրը, երեխայի մկրտության 40-օրյակի օրհնության վայրը, մատաղի վայրը, վերջին շրջանում ավանդույթ է՝ մեր զորակոչիկները գնում են եկեղեցի, օրհնություն ստանում, նոր գնում են զինկոմիսարիատ: Այսինքն, մեր բոլորի կյանքի ամենանվիրական, ամենասուրբ վայրը սա կոչում է աղբ, մնացորդ»,-ասաց քաղաքական գործիչը:
Կարդացեք նաև
Աշոտ ՀԱԿՈԲՅԱՆ
