«Առավոտի» եւ «Շտիգեն» ընկերությունների խմբի «Ազգային բուրժուազիա» նախագծի հերթական թողարկման հյուրն է «DSA խորհրդատվական խումբ» ընկերության գլխավոր տնօրեն, տնտեսագիտության թեկնածու Դավիթ Անանյանը: Նրա կարծիքով՝ նախագծի խնդիրը պետք է լինի գործարարների մեջ պատասխանատվություն բորբոքելը՝ նախեւառաջ պետության, հանրության եւ սեփական աշխատակազմի առջեւ: Մյուս կողմից՝ հասարակությունից այդ առումով ակնկալվում է պահանջատեր լինել:
Պատասխանելով այն հարցին, թե ինչպես է բիզնեսն առնչվում քաղաքականության, նախընտրական ցիկլերի հետ, հաղորդման հյուրը նշում է, որ գործարարները պետք է օգնեն ոչ թե այս կամ այն իշխանությանը, այլ նպաստեն պետական կառույցների կայացմանն ու զարգացմանը: Տնտեսագետը կարեւորում է օրենսդիր, գործադիր եւ դատական կառույցների հետ բիզնեսի համագործակցությունը:
Հասարակության վերաբերմունքը բիզնեսին՝ կարելի է լավագույնս ներկայացնել Ռուբեն Վարդանյանի օրինակով: Գործարարը, որը նյութական որեւէ խնդիր չուներ, իրեն զոհաբերել է հանուն գաղափարի: Սակայն հիմնական արձագանքն այն է, որ այստեղ կա ինչ-որ թաքնված հաշվարկ, ինչ-որ մեկի ուղղորդում եւ այլն: Դավիթ Անանյանը կարծում է, որ նման վերաբերմունքի պատճառներն են կրթության պակասը եւ խորը անվստահությունը, որը մոտ երկու տասնամյակ սերմանվել է հասարակության մեջ:
Մանրամասները՝ տեսանյութում:
