«Հանուն հավասար իրավունքների» հասարակական կազմակերպության նախագահ Գայանե Աբրահամյանը գրում է.
«Ադրբեջանցիների հիստերիայի պատճառներից մեկը, որ արդեն բացեիբաց սպառնալիքի անցան, թերեւս իրենց պաշտելի ղեկավարին մշտապես դիկտատոր անվանելն ու Պուտինի հետ համեմատելն էր, մի բան, որ ես համարում եմ միջազգային, հատկապես ԵՄ կառույցներում խիստ կարեւոր` նաեւ շեշտադրելով երկակի չափանիշները նույնական հանցագործների պատիժների առումով։
Բացի հայտարարություններից` պատրաստել ու տարածել էինք նաեւ Պուտինի եւ Ալիեւի նույնական խոսույթներով պաստառներ ու տեղեկատվական թերթիկներ, որոնք ապացուցում էին, որ Ալիեւն ուղղակիորեն կրկնում է Պուտինի` ապառազմականացման, դենացիֆիկացիայի եւ «պատմական հողերի վերականգնման արդարության» կեղծ խոսույթները, Ալիեւի դեպքում դա «Արեւմտյան Ադրբեջան» խոսույթն է, Պուտինի դեպքում էլ` «Ռուսական աշխարհը», որի անբաժանելի մաս է համարում Ուկրաինան։
Այս թեմայով ավելի մանրամասն զեկույց ունեցա նաեւ մեր կազմակերպության եւ Իրազեկ քաղաքացիների միավորում ՀԿ-ի համատեղ հավելյալ միջոցառմանը (side event), որն իրականացրեցինք համաժողովի շրջանակում եւ մանրամասներն առաջիկայում կներկայացնենք»։
Կարդացեք նաև
