Ունենք հստակ դիրքորոշում․ այս արդյունքները բավարար չեն։ Հունիսի 23-ին մենք հայտարարելու ենք պայքարի երկրորդ փուլի մասին և ներկայացնելու ենք, թե ինչ ճանապարհով ենք շարունակելու պայքարը։
Մինչև հունիսի 23-ը մենք քննարկումներ ենք ունենալու մեր հայրենակիցների հետ, ինչպես նաև այն միավորումների հետ, որոնք աջակցել և պաշտպանել են մեր օրակարգը։ Այդ ընթացքում հանդիպումներ ենք ունենալու նաև մարզերում՝ մեր հայրենակիցների հետ։ Տեղերում ունենալու ենք Խորհրդի ներկայացուցիչները, որոնք համակարգելու են Խորհրդի աշխատանքները՝ թե՛ իրազեկման, թե՛ հետագա գործողությունների մասով։ Այս ամենի արդյունքում հունիսի 23-ին Խորհուրդը հայտարարելու է իր գործողությունների մասին։
Համարում ենք, որ այս արդյունքները բավարար չեն։ Կրկին հավաստիացնում ենք՝ այն հրապարակային հայտարարությունները, որ արել ենք, պատրաստ ենք, այդ վճռականությունը ունենք, և մենք պայքարելու ենք։ Ուղղակի այս ժամանակահատվածը պետք է, որպեսզի հանրության հետ համաձայնեցնենք մեր հետագա գործողությունները։
Բոլորս պետք է գիտակցենք, որ հաջողության հասնելու միակ տարբերակը մեր համախմբվածությունն է։ Եթե մեր հայրենակիցները մեր կողքին չկանգնեն, այդ հարցերը չենք կարողանա լուծել։
Կարդացեք նաև
Ապրես Մարգարյան,
Արցախցիների իրավունքների պաշտպանության խորհրդի անդամ
ՄԻԱՍԻՆ՝ ՀԱՆՈՒՆ ՄԵՐ ԻՐԱՎՈՒՆՔՆԵՐԻ
