Հյուսիսային Մակեդոնիայի մայրաքաղաք Սկոպյեում կայացել է վաղը մեկնարկող ազատ ոճի ըմբշամարտի Եվրոպայի մինչեւ 17 տարեկանների առաջնության վիճակահանությունը, որին Հայաստանը ավագ մարզիչ Արշակ Հայրապետյանի ղեկավարությամբ մասնակցում է ամբողջական կազմով:
Մեկնարկային օրը մեր տղաներից պայքարի մեջ ներգրավվելու են 48 կգ քաշային Արտակ Աղաբեկյանը, 55 կգ՝ Արմեն Պապիկյանը, 65 կգ՝ Դավիթ Դավթյանը, 80 կգ՝ Ավետ Ենգոյանը եւ 110 կգ՝ Լաերտ Մովսեսյանը:
Աշոտ ՀԱԿՈԲՅԱՆ
