Կրեմլը հետևում է «Տաշիր Գրուպ» ընկերության սեփականատեր Սամվել Կարապետյանի ձերբակալության հետ կապված իրավիճակին և պատրաստ կլինի նրան տրամադրել անհրաժեշտ օգնությունը՝ որպես Ռուսաստանի Դաշնության քաղաքացի, ինչպես հայտնում է Ինտերֆաքսը, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Իհարկե, մենք հետևում ենք։ Մեզ համար նա Ռուսաստանի քաղաքացի է։ Մենք չենք ցանկանում միջամտել Հայաստանի ներքին գործերին, բայց մենք, իհարկե, ամենայն ուշադրությամբ հետևում ենք Ռուսաստանի քաղաքացու հետ կապված ամեն ինչին», – լրագրողներին ասել է Պեսկովը։
«Անհրաժեշտության դեպքում, իհարկե, Ռուսաստանը պատրաստ կլինի տրամադրել ամեն տեսակի անհրաժեշտ օգնություն Սամվել Կարապետյանին», – վստահեցրել է Ռուսաստանի նախագահի մամուլի քարտուղարը։
