Արարատ համայնքի ավագանու «Ապրելու երկիր» խմբակցության ղեկավար Վահե Հարությունյանի ֆեյսբուքյան գրառումը
Սիրելի Արարատ համայնքի բնակիչներ, անցնող շաբաթն ամփոփենք վերջին նորություններով։
20.06.2025թ.-ին (ուրբաթ օրը) համայնքի ավագանու հերթական նիստն էր, երկու չկայացած հերթական նիստերից հետո 3-րդ հերթական նիստն էր, որը չկայանալու դեպքում շատ մեծ և դրական փոփոխություններ էր ակնկալվում համայնքի համար (սկսած իշխանափոխությունից)։
Սակայն «Հզոր համայնք» խմբակցությունը (նախկինում` Հանրապետական) օգնեց համատեղ իշխող երեք ուժերին (ՔՊ+Հանուն հանրապետության+Կայունություն) ապահովել քվորում և նիստը կայացավ։
Կարդացեք նաև
Այստեղ մնում է մեկ հետևություն, որ բացի մեր խմբակցությունից, մնացած բոլորը համագործակցում են ժողովրդի թիկունքում և գաղտնի` ըստ խոսակցությունների՝ ունենալով անձնական մեծ շահեր կամ կոմպրոմատներ։
Գալիք շաբաթվա ընթացքում ավելի հետաքրքիր փաստերով կունենանք եթերներ և կտեղեկացնենք, թե որ խմբակցությունն ինչով է զբաղված, ինչեր են պայմանավորվում իրենց ընտրողներից թաքուն`մոռացության գիրկն ուղարկելով համայնքի հոգսերն ու խնդիրները։
