«Իմ հանդեպ վստահության մակարդակի անկումը, ի վերջո, հասել է մի կետի, որ ես հրաժարական եմ տվել». նման խոստովանություն է արել այսօր Բաքվում կայացած «դատավարության» ժամանակ Արցախի նախկին առաջնորդ Արայիկ Հարությունյանը:
Նա հերքել է որևէ դավադրության մասին լուրերը։
Հարցաքննվել է նաև մեկ այլ առաջնորդ՝ Արկադի Ղուկասյանը։
Կարդացեք նաև
Նրան հարցեր են ուղղվել «Բեյզ Մեթըլս» հանքարդյունաբերական ընկերության (սեփականատեր Վալերի Մեժլումյան) գործունեության վերաբերյալ, որը 2022 թվականին կասեցրել է Լեռնային Ղարաբաղի Կաշենի հանքավայրի շահագործումը: Ղուկասյանը, ըստ ադրբեջանական լրատվամիջոցների, ասել է, որ «ստացված պղինձը արտահանվել է Հայաստան»:
Նիստին հիշատակվել է նաև Արցախում ներդրող Վարդան Սրմաքեշի բիզնեսը, ինչպես նաև «Հայաստան» բարեգործական հիմնադրամի և «Ղարաբաղ Տելեկոմի» աշխատանքը։
Ղուկասյանը նաև պատմել է, որ 2020 թվականի հոկտեմբերի 18-20-ը ինքը Բակո Սահակյանի հետ եղել է Երևանում և խնդրել Նիկոլ Փաշինյանին դադարեցնել պատերազմը:
«Դատավարությանը» կշարունակվի հուլիսի 3-ին:
«Սպուտնիկ Արմենիա»
