«Եթե իմ ելույթը լսել եք, դուք ինքներդ գնահատական տվեք»,-ճեպազրույցում ասաց ԱԺ պատգամավոր Հովիկ Աղազարյանը՝ անդրադառնալով խորհրդարանում իր՝ շիշ նետելուն: ՔՊ-ական պատգամավոր Տիգրան Պարսիլյանը հայհոյել էր, ինչին ի պատասխան էլ Հովիկ Աղազարյանը շիշ էր նետել նրա ուղղությամբ:
Հարցին՝ սպասո՞ւմ էր նման արձագանքի,որ անգամ չկարողացավ իրեն տիրապետել ու շիշը նետեց ՔՊ-ականների ուղղությամբ, Աղազարյանն այսպես արձագանքեց. «Իհարկե, չէի սպասում…Վիրավորական խոսք ասաց Տիգրանը»:
Լրագրողներից մեկի հարցին էլ ի պատասխան նշեց. «Հնարավոր չէ Ձեր հարցերին պատասխանել, էնքան գեղեցիկ եք, նայում եմ Ձեզ»:
Նա նաեւ հիշեցրեց. «Իմ ելույթում ասել եմ՝ կոչ եմ անում ռուսական կողմին, որ չտրվեն մեր սադրանքներին»:
Կարդացեք նաև
Հարցին՝ փաստորեն «շիշ բռնողի» մականունը փորձել է վերցնել, պատգամավորը կատակեց.«Շիշ նետողը»:
Գոհար ՀԱԿՈԲՅԱՆ
