Երեւանի քրեական ընդհանուր իրավասության դատարանի Ավանի նստավայրում քննվում է «Հայաստան» խմբակցության պատգամավոր Արթուր Սարգսյանի խափանման միջոցի հարցը։ Դատավորը Արտակ Կարապետյանն է, որը քննել է նաեւ գործարար Սամվել Կարապետյանի խափանման միջոցի հարցը։
Պատգամավոր Գառնիկ Դանիելյանը լրագրողների հետ ճեպազրույցում նշեց, որ իրականում գործը ջուր է, ուղղակի ցանկացան գոհացնել Նիկոլ Փաշինյանին։
«Ճնշումներն ավելանում են թե՛ դատական, թե՛ նախաքննական մարմինների վրա։ Խուսափելու, խոչընդոտելու հարց չկա։ Փաստ չկա, որ որեւէ մեկի վրա ճնշում է գործադրել։ Արթուր Սարգսյանը ներկայացել է քննչական մարմիններին։ Դրանից առաջ երկրից բացակայել է, բայց եկել է։ Եթե մարդը ուզենար՝ Հայաստան չէր վերադառնա։ Այսինքն` այս ամեն ինչը հիմնազուրկ է»,-ասաց Դանիելյանը։
Պատգամավորը զարմացել է, որ ՔՊ-ական պատգամավորները ոչ թե կասկածում են, այլ պնդում են՝ «սա ահաբեկիչ է, բարերարը ահաբեկիչ է»։
Կարդացեք նաև
Ինչ վերաբերում է Բագրատ սրբազանի կեցավայրի վարձավճարը տալուն, Գառնիկ Դանիելյանն ասաց․«Ես շատերին եմ օգնում, բայց ես ոչ ցուցակ հրապարակող եմ, ոչ էլ անուն ազգանուններ տվող եմ։ Եթե այս թիրախավորումը չլիներ, սրա մասին ես չէի խոսա»:
Մանրամասները տեսանյութում։
Հիշեցնենք, որ հուլիսի 8-ին Ազգային ժողովը համաձայնություն էր տվել ընդդիմադիր «Հայաստան» խմբակցության պատգամավոր Արթուր Սարգսյանի նկատմամբ քրեական հետապնդում հարուցելու վերաբերյալ ու կալանավորելու՝ գլխավոր դատախազի միջնորդություններին:
Արմեն ԴԱՎԹՅԱՆ
