-Ներողություն, փաստաբան է, կբացե՞ք մի վայրկյան,- փաստաբան Սերգեյ Հարությունյանն այսպես երկար թակեց Քննչական կոմիտեի շենքի դուռը. չկար արձագանք: Սերգեյ Հարությունյանն այսօր վաղ առավոտյան ձերբակալված դաշնակցական Վահագն Մատինյանի պաշտպանն է, ցանկանում էր դիմում հանձնել:
-Ողջամիտ չի էլի, գոնե բացեն, պատճառաբանություն տան,- շարունակեց փաստաբանը: Իրավունք կա անմիջապես տեսակցելու պաշտպանյալիս ու իրենց կողմից պարտականություն կա այդ ամենն անմիջապես կազմակերպելու: Ցավոք սրտի, տեսնում ենք ՝ ինչ է կատարվում, առաջին դեպքը չէ, երեկ էլ ենք տեսել նման իրավիճակ ու գնալով արդեն էդ ժամերը երկարացնում են: Եթե նախկինում 5-10 րոպե կարող էին խոչընդոտել, հիմա շատ ավելի երկար է տեւում,- շարունակեց փաստաբանը:
Կարդացեք նաև
Նա նկատեց, որ ամեն օր բախվում են մի իրավիճակի, երբ արդեն գործ չունենք իրավունքի ու իրավաբանության հետ. «Չգիտենք՝ վաղը ինչ ապօրինություններ կլինեն, ինչի ականատես կլինենք ներկայիս վարչախմբի կողմից ու իրավապահ համակարգն էլ դարձել է գործիք այս ամենն իրագործելու առումով: Մի զավեշտալի դեպք վերցրել են որպես հիմք ու այդ դեպքն օգտագործելով՝ այժմ փորձելու են մի շարք դաշնակցականների մեկուսացնել, հերթական շոուն անել: Կապ ստեղծել տարբեր ուժերի կամ գործողությունների հետ, այն է, ինչ կատարվում է վերջին շաբաթներին»:
Արփինե ՍԻՄՈՆՅԱՆ
