Ֆրանսիայի ազգային տոնի առիթով ընդունելություն էր կազմակերպվել Հայաստանում Ֆրանսիայի դեսպանատանը, որին հրավիրված էին քաղաքական, հասարակական, մշակութային գործիչներ, դիվանագետներ եւ Ֆրանսիայի բարեկամներ:
«Հին ռեժիմի կամայականությունների խորհրդանիշի՝ Բաստիլի գրավումով Ֆրանսիական հեղափոխությունն իր խոսքն ասաց: Այդ ժամանակից ի վեր Ֆրանսիայի ազգային տոն դարձած հուլիսի 14-ը խորհրդանշում է մեր հեղափոխությունը եւ միավորում ազատության, հավասարության եւ եղբայրության սկզբունքների շուրջ»,-ի թիվս այլնի՝ ասաց Հայաստանի Հանրապետությունում Ֆրանսիայի Հանրապետության դեսպան Օլիվիե Դըկոտինյին :
Դեսպանի ձեւակերպմամբ՝ 110 տարի անց Մուսա լեռան ոգին շարունակում է ոգեշնչել հայերին եւ ֆրանսիացիներին. «Կարող ենք ասել, որ մեր հարաբերությունները երբեք այսքան հագեցած ու այսքան վստահելի չեն եղել: Դիվանագիտական մակարդակում Ֆրանսիան աջակցում է Հայաստանի կառավարության խիզախ ջանքերին՝ ուղղված Ադրբեջանի հետ խաղաղության հասնելուն եւ տարածաշրջանում հարաբերությունների կարգավորմանը:
Միեւնույն ժամանակ Հայաստանը հաստատվում է որպես միջազային հարաբերությունների խաչմերուկ: 2026թ այն կհյուրընկալի Կենսաբազմազանության հարցերով կողմերի համաժողովը եւ եվրոպական քաղաքական համայնքի գագաթնաժողովը: Մենք մեր հայ ընկերների կողքին կլինենք այս կարեւոր միջոցառումների ժամանակ»:
Կարդացեք նաև
Մանրամասն՝ տեսանյութում.
Գոհար ՀԱԿՈԲՅԱՆ
