«Լեւոն Տեր-Պետրոսյանին ես ավելի շատ կարեկցում եմ, քան ատում»,- այսօր կայացած մամուլի ասուլիսում հայտարարեց Նիկոլ Փաշինյանը։ Ինչ վերաբերվում է Ռոբերտ Քոչարյանին եւ Սերժ Սարգսյանին՝ ասաց, թե նրանց հանդեպ անտարբեր է:
Լրագրողը հետաքրքրվել էր նաեւ՝ ե՞րբ է դադարելու Արմեն Աշոտյանի նկատմամբ քաղաքական հետապնդումը։
«Ես նույնիսկ չգիտեմ, թե ի՞նչ ասեմ։ Ես նրա մասին որեւէ տեղեկություն չունեմ», – ասաց Փաշինյանը։
«Առավոտի» հարցին ի պատասխան, թե մտադի՞ր է արդյոք ի վերջո հրապարակել արցախյան կարգավորման բանակցային փաթեթները, որ պարզ դառնա, թե ով հանձնեց Արցախը, Նիկոլ Փաշինյանն ասել էր. «Հիմա թերեւս արվում է համապարփակ վերլուծություն, թե արդյոք պետական անվտանգության հետ առնչվող թեմաներ կան, թե՞ չկան։ Կան տեղեկություններ, որոնք ունեն բացահայտման որոշակի ժամկետայնություն, այսինքն՝ պետք է վերլուծել, թե այս պահին այս կամ այն փաստաթղթի բացահայտումը ինչքանով կարող է վնասել Հայաստանի պետական շահերին»:
Կարդացեք նաև
Հավելյալ ճշտմանը՝ Արցախի կորստից հետո հայկական շահին էլ ի՞նչ կարող է սպառնալ, Նիկոլ Փաշինյանը պատասխանեց․ «Ես ի՞նչ եմ զիջել, ես ոչ մի բան չեմ զիջել»։
Մանրամասները՝ տեսանյութում
Ամբողջական տեսանյութն՝ այստեղ
Նելլի ԳՐԻԳՈՐՅԱՆ
