«Չարքապատկանների նզովքն իմաստ չի ունենում, բայց աստվածայիններինը ունենում է: Դրա տերերն ասել են՝ գլուխդ սեռասավաններից չհանես, անընդհատ մտի՝ փորփրի, տես՝ էլ ինչ կա-ինչ չկա: Օրինակ, ինձ հետաքրքիր է, դա մենակ հոգեւորականների սեռասավանների մե՞ջ է գլուխը խոթելու, թե? յուրայինների մեջ էլ կմտցնի»,- «Հայելի» ակումբում ասաց հերոս Վաչագան Մանուկյանի հայրը՝ բանաստեղծ Խաչիկ Մանուկյանը՝ անդրադառնալով Նիկոլ Փաշինյանի՝ հոգեւորականների մասին գրառումներին: Միեւնույն ժամանակ ցավ հայտնեց, որ ժողովուրդը հիմա նման թեմաներին է շատ ուշադրություն դարձնում:
«Մի ժողովուրդ, որ հեշտությամբ համաձայնում է տարածքները օտարելուն, հեշտությամբ մարսում է ձեր կողմից հազարավորների կյանքը խժռելը (վամպիրի պես խմեցիք հազարավորների արյունը), ուրեմն նրան հետաքրքիր են սեռասավանները»,-հավելեց բանաստեղծը:
«Բայց ես հասկանում եմ, որ եթե եկեղեցին ամուր կանգնի, աներեր մնա, իսկ դա կարծում եմ՝ այդպես էլ կլինի, ՔՊ-ական պարագլուխները փոշի կդառնան եկեղեցու առաջ: Նրանք չեն հասկանում՝ ինչի դեմ են դուրս եկել, ինչքան էլ Էրդողան, Ալիեւ թիկունք ունենան, ոչինչ չեն հաջողելու: Նույնն էլ մահմեդականների հոգեւոր առաջնորդի մասին է, որ ցուցումներ էր տալիս, սա էլ խելոք կատարում էր:
Եթե բոբկացած մտնում ես մուսուլմանական սրբավայրեր, պարզ է, որ մեր սրբավայրերը պետք է փորձես պղծել: Էդ ո՞նց է պատահում, որ Հռոմի պապի թաթիկներն ու քղանցքները պաչում եք, այն դեպքում, երբ հազար ու մի պատմություն կա նրանց հետ կապված, բայց գալիս եք մեր Վեհափառին, հոգեւորականներին, որ հայրենանվեր գործունեություն են ծավալում, փորձում եք հարվածել…
Կարդացեք նաև
Վեհափառը տեր եղավ այն ամենին, ինչ կատարվել է իր ժողովրդի հետ, գնաց եւ Ժնեւում հայտարարեց, որ ցեղասպանություն է եղել, էթնիկ զտում են կատարել Արցախում, կարողացավ վեր հանել այդ հարցերը, դրա համար այստեղից արդարանում են իրենց տերերի առաջ, դրա համար էլ հարձակվում են Հայ Առաքելական սուրբ եկեղեցու վրա»,-ընդգծեց Խաչիկ Մանուկյանը:
Գոհար ՀԱԿՈԲՅԱՆ
