Սրբազան պայքար. Ստի իշխանության բազմաթիվ ներկայացուցիչներ օր ու գիշեր հանրությանը համոզում են, իբր Բագրատ արքեպիսկոպոս Գալստանյանն ու Սրբազան պայքարի մասնակիցները պատրաստվում էին ահաբեկչություն գործել, հետո վարչապետի աթոռում հայտնված նրանց պարագլուխը հայտարարում է, իբր որևէ մեկը չի խախտել մեր պայքարի կալանավորված ընկերների անմեղության կանխավարկածը։
ԱԺ ամբիոնից են Բագրատ Սրբազանին ու նրա կողմնակիցներին ահաբեկիչ կոչել, տարբեր եթերներից ու հարթակներից են նրանց ահաբեկիչ կոչել, բայց ստի ու կեղծիքի իշխանության պարագլուխն ասում է, թե դա ընդամենը քաղաքական քննարկում է։
Թե բա՝ չկա մի երկիր, որտեղ նման «բացահայտումների» դեպքում քաղաքական քննարկումներ չլինեն։ Հետն էլ շարունակում է իր մտավարժանքներն ու լրագրողներին ասում՝ դե, եթե չեք ուզում անմեղության կանխավարկած խախտել, դուք էլ մի լուսաբանեք իրավասու մարմինների հայտնած տեղեկությունները։ «Ո՞վ ա ասել, որ չորրորդ իշխանությունը կարո՞ղ է դրան արձագանքել, իսկ առաջին (օրենսդիր) և երկրորդ (գործադիր) իշխանությունը՝ չի կարող», – փորձում է հանրությանը մոլորեցնել ազգադավը։
Մինչդեռ ճշմարտությունն այն է, որ միակ «քաղաքական» պրոցեսը, որն այս պահին տեղի է ունենում Սրբազան պայքարի շուրջ, դա Բագրատ Սրբազանի և նրա կողմնակիցների դեմ իրականացվող քաղաքական հետապնդումն է։ Քաղաքական բռնաճնշումներ, որոնց հետևանքով ունենք քաղաքական բանտարկյալներ։ Սա է նեռի իշխանության քաղաքական բաղադրիչը։ Ուրիշ ոչինչ։
