«Երեւանի քաղաքապետի նախաձեռնությամբ եւ գլխավորությամբ ձեւավորված մրցութային հանձնաժողովի քվեարկության արդյունքում, որին մասնակցում էր նաեւ Շառլ Ազնավուրի որդին՝ Նիկոլա Ազնավուրը, հաղթող ճանաչվեց քանդակագործ Դավիթ Մինասյանի հեղինակած նախագիծը: Արձանի ստեղծման ֆինանսավորումն ամբողջությամբ իրականացվել է Երեւան քաղաքի բյուջեի հաշվին, հատկացրել ենք շուրջ 85 մլն դրամ»,-Երեւանի քաղաքապետարանի գործակարգավարական խորհրդակցության ժամանակ նշեց Երեւանի փոխքաղաքապետ Լեւոն Հովհաննիսյանը:
«Քանդակը կրում է «Լա Բոհեմ» անվանումը, այն ոչ միայն հիմնված է համանուն հանրահայտ երգի վրա, այլեւ խորապես կապված է Ազնավուրի բեմական կերպարի հետ: Քանդակի գաղափարն առաջացել է այդ խորհրդանշական պահից, երբ «Լա Բոհեմ» երգի կատարման ժամանակ Ազնավուրը բեմում հանում էր իր սպիտակ թաշկինակը ու պարում բոհեմական մեղեդու ներքո, իսկ հանդիսատեսը ձեռքերը մեկնած՝ սպասում էր, թե երբ երգիչը կնետի թաշկինակը»,-հավելեց Լեւոն Հովհաննիսյանը:
Կարդացեք նաև
Գործակարգավարական նիստն ամբողջությամբ.
Գոհար ՀԱԿՈԲՅԱՆ
