Սերբիայի Զլատիբոր քաղաքում մեկնարկել է բռնցքամարտի կրտսեր տարիքի պատանիների Եվրոպայի առաջնությունը:
Մեկնարկային առաջին օրը ավագ մարզիչ Արթուր Մելքումյանի սաներից պայքարի մեջ մտած յոթ տղաներից վեցը հաղթանակ են տարել եւ շարունակում են նախապատրաստվել հաջորդ մենամարտերին:
Մրցակիցների նկատմամբ առավելության են հասել 40 կգ քաշային Ալեն Նալբանդյանը, 46 կգ՝ Արտո Բաղրամյանը, 48 կգ՝ Դավիթ Դունիամալյանը, 50 կգ՝ Գագիկ Մանուկյանը, 54 կգ՝ Մենուա Ուլիխանյանը, 63 կգ՝ Գագիկ Հարությունյանը: Միայն 75 կգ քաշային Գոռ Ուռուսյանին չհաջողվեց հաղթահարել լեհ մրցակցի արգելքը:
Աշոտ ՀԱԿՈԲՅԱՆ