Գյումրու քաղաքապետ Վարդան Ղուկասյանն այսօր իր պաշտոնավարման հարյուր օրը ամփոփելիս ՝ անդրադարձ կատարեց նաև այն հարցին, թե 2026 թվականի խորհրդարանական ընտրություններին կմիանա՞ արդյոք Սամվել Կարապետյանի նոր ստեղծվելիք քաղաքական թիմին։
«Ես Սամվել Կարապետյանի պահով բան չեմ կարող ասել, իր կատարած աշխատանքը, իր ապրած կյանքը հարգանքի արժանի է, որովհետև ամբողջ հայոց ազգի մեջ ինքն առաջնային դեր է խաղում, որ էդքան հնարավորություն է ստեղծել, ոչնչից դարձել է միլիարդատեր, գրպանները կարած չեն, ազգի համար շատ բաներ է արել։
Ես իրեն հարգում եմ, հետագայում թե ինչ կստացվի, ով ում հետ կգնա, ես էս պահին պատրաստ չեմ որևիցե մի բան ասելու։ Ես կմասնակցե՞մ ընտրությունների, թե՞ ոչ, դա էլ հարյուր տոկոսանոց չէ , ինչ որ կա, ես ուղղակի ասում եմ, որ էդպես պատկերացնում եմ, բայց հետագան ինչ ցույց կտա, էդ էլ միայն ինձ պիտի առաջնորդի Աստված։
Լավ իմացեք, ես որ էդ խոսքն ասում եմ, իմ հոգուս մեջ եթե դրեց, ես անպայման կմասնակցեմ, եթե ոչ, ես երբեք չեմ մասնակցի, որովհետև ասում է՝ լավ է Աստծո կամքով մի որդ լինեի, քան մարդկանց կամքով թագավոր և իշխան»։
Կարդացեք նաև
Նունե ԱՐԵՎՇԱՏՅԱՆ
