ՀՀ ներքին գործերի նախարար Արփինե Սարգսյանին համար կառավարությունը նոր մեքենա կգնի․ որոշումն այսօր հաստատվեց ՀՀ կառավարության նիստում։ Այս հարցը ներառված էր չզեկուցվող հարցերի մեջ ։
Արփինե Սարգսյանի համար գնվելիք մեքենան կարժենա 48 մլն 400 հազար դրամ կամ 125 հազար դոլար։
Ըստ նախագծի հիմնավորումների՝ ներկայում ՆԳ նախարարին սպասարկող մեքենան 2014 թվականի է, մաշվածությունն էլ հավելյալ ծախսեր է առաջացնում․ «Տրանսպորտային միջոցի վազքն արդեն գերազանցել է 350․000 կմ-ն, եւ ներկայում այն դարձել է սպասարկման համար վտանգավոր և ոչ հուսալի։ ՆԳ նախարարը նաև Անվտանգության խորհրդի անդամ է, և վերջինիս անվտանգության նկատառումներից ելնելով՝ անհրաժեշտություն է առաջացել հնարավորինս սեղմ ժամկետում ՀՀ ներքին գործերի նախարարի սպասարկման համար ձեռք բերել նոր տրանսպորտային միջոց»։
Արփինե Սարգսյանի համար նախատեսված մեքենայի համար գումար կհատկացվի ՆԳ նախարարության շենքային պայմանների բարելավման համար նախատեսված գումարներից։
Կարդացեք նաև
Նելլի ԳՐԻԳՈՐՅԱՆ
