Լրահոս
Օրվա լրահոսը

Կարևոր է տարբեր տարիների արբանյակային լուսանկարների ցուցադրումը, որտեղ երևում է, որ Շուշիի իսլամական ժառանգությունը չի ոչնչացվել, ինչպես նշում է Ադրբեջանի նախագահը

Օգոստոս 15,2025 23:30

«Արցախի մշակութային ժառանգության պահպանության հանրային խորհրդի» մեր գործընկերների քննական անդրադարձն ադրբեջանական հերթական հայտարարությանը

2025 թվականի հուլիսի 4-ին օկուպացված Արցախի Շուշի քաղաքում Ադրբեջանի նախագահ Իլհամ Ալիևն Իրանի նախագահի հետ հանդիպման ժամանակ խոսեց Շուշի քաղաքի իսլամական մշակութային ժառանգության մասին` ակնհայտ սուտ ու կեղծ հայտարարություններ անելով:

Իլհամ Ալիևի հնչեցված կեղծ թեզերին անդրադարձել են «Արցախի մշակութային ժառանգության պահպանության հանրային խորհրդի» մեր գործընկերները:

Մանրամասն տեղեկատվություն է տրվել Շուշի քաղաքի իսլամական ժառանգության՝ մզկիթների, աղոթատների, մեդրեսեների պահպանության շուրջ տարված աշխատանքների մասին: Ներկայացվել են Շուշի քաղաքի Վերին մզկիթի վերանորոգման աշխատանքները՝ սկսած տարածքի բարեկարգումից մինչև ամբողջական վերանորոգում, պեղումներ:

Համաձայն Արմինե Հայրապետյանի, ով Արցախի «Պատմական միջավայրի պահպանության պետական ծառայության» ՊՈԱԿ-ի նախկին տնօրենն է, Արցախի իսլամական մշակութային ժառանգության պահպանության և վերանորոգման ուղղությամբ տարվել են նույն ծավալի աշխատանքները ինչ եկեղեցիների և վանքերի պահպանության շուրջ:

Նա շեշտել է, որ Արցախի իսլամական մշակութային ժառանգության առաջին համալիր հետազոտությունը իրականացվել է Արցախի Հանրապետության գոյության տարիներին: Հուշարձաններն ունեցել են պահպանության գոտի, համապատասխան փաստաթղթեր:

Արցախի մշակույթի, երիտասարդության հարցերի և զբոսաշրջության նախկին նախարար Սերգեյ Շահվերդյանը մանրամասներ է ներկայացրել Շուշիի իսլամական մշակութային ժառանգության պահպանության և վերանորոգման աշխատանքների ընթացքի, ֆինանսավորման վերաբերյալ, ինչպես նաև Արցախի զբոսաշրջության համար դրանց կարևորության մասին:

Կարևոր է տարբեր տարիների արբանյակային լուսանկարների ցուցադրումը, որտեղ երևում է, որ Շուշիի իսլամական ժառանգությունը չի ոչնչացվել, ինչպես նշում է Ադրբեջանի նախագահը:

Նաև ներկայացվել են կարևոր փաստեր, թե ինչպես 2020 թվականի 44-օրյա պատերազմի ժամանակ Ադրբեջանի զինված ուժերը հրթիռային հարվածներ են հասցրել Շուշիի Վերին մզկիթին:

 

MONUMENT WATCH

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2025
Երկ Երե Չոր Հնգ Ուրբ Շաբ Կիր
« Հուլ    
 123
45678910
11121314151617
18192021222324
25262728293031