Խաչատուր Անդրեասյանը Մեղրի խոշորացված համայնքի ղեկավարի պաշտոնում առաջադրվել և ընտրվել է Ազատական կուսակցության քվոտայով: Սակայն վերջերս նա, այսպես ասած, կուսակցափոխ է եղել և օգոստոսի 3-ին տեղի ունեցած Մեղրիի ՔՊ տարածքային կառույցի նոր ընտրություններին իր թեկնածությունն է առաջադրել ՔՊ տարածքային խորհրդի նախագահի պաշտոնում:
Դեպի ՔՊ Անդրեասյանի այս շրջադարձը գաղափարակա՞ն, թե՞ այլ հիմքերով է պայմանավորված: Ավելի կոնկրետ՝ մեզ հետաքրքրում էր, թե մասնավորապես ինչը ստիպեց կամ առիթ դարձավ, որ նա անցնի «Քաղաքացիական պայմանագիր» կուսակցության շարքերը: Ի պատասխան՝ Խաչատուր Անդրեասյանը հայտարարեց.
– Նախ և առաջ ես առաջադրվել եմ, բայց Ազատական կուսակցության շարքերում ես որպես կուսակցական չեմ եղել: Ես էդ կուսակցությունում որպես կուսակցական ընդգրկված չեմ: Երկրորդը՝ Բաբայան Սամվելի հետ իմ հարաբերությունները շատ լավ են մինչև այժմ: Մենք իրար հետ տեսել ենք, խոսացել ենք, ինքը դեմ չի եղել, քանի որ ես կուսակցությունում չեմ եղել, որ այդպես ինչ ասես գրում են: Ինձ ոչ մեկը ոչ զանգել ա, ոչ հարցրել ա, գրում են առանց մարդուն հարցնելու: Հիմա ես ձեզ ասում եմ` ես իմ կամքով, իմ հոժար կամքով մտել եմ «Քաղաքացիական պայմանագիր» կուսակցություն: Ինձ ոչ մեկը ոչ ստիպել ա, ոչ էլ:
– Պարոն Անդրեասյան, ՔՊ Մեղրիի կառույցում ձեր թեկնածությունն առաջադրելուց հետո դուք 7 ձայնից ընդամենը մեկ ձայն ստացաք: Դա ձեզ համար անակնկա՞լ էր, թե՞ սպասում էիք նման արդյունք:
Կարդացեք նաև
– Էդ մեկը նախ և առաջ ես եմ եղել,- անկեղծորեն հայտարարեց ՔՊ-ին անդամագրված համայնքի ղեկավարը,- երկրորդն էլ՝ թող մտածեն նրանք, ովքեր այդ քայլին գնացել են, ես մտածելու բան չունեմ:
Մելանյա Ծառուկյան
Հոդվածն ամբողջությամբ՝ «Չորրորդ իշխանություն»-ում:
