-Իրենց հերթական դավաճանությունը՝ մեր երկրից նոր զիջումները, փորձում են հանրությանը ներկայացնել որպես ձեռքբերում… Նիկոլ Փաշինյանը, այսպես կոչված, խաղաղության հուշագրերից անմիջապես հետո հայտարարել է նոր զիջումների մասին, իսկ մենք, երբ կետերով հերթականությամբ ներկայացնում ենք, ՔՊ-ականները մեկը մյուսի հետեւից սկսում են դուրս տալ եւ արդարանալ, -այսօր Բագրատ սրբազանի եւ մյուսների գործով դատական նիստից առաջ լրագրողների հետ զրույցում ասաց ԱԺ «Հայաստան» խմբակցության պատգամավոր Իշխան Սաղաթելյանը:
Սաղաթելյանի խոսքով, փողոցային պայքարով այս իշխանություններին հեռացնելու հարցը փակված չէ. «Ճիշտ տնային աշխատանքը կատարելու դեպքում այդ հնարավորությունը կա… Նիկոլ Փաշինյանը պարտության, պատերազմի, մահվան խորհրդանիշ է, ինքը չի կարող խաղաղություն բերել: Իր պատկերացրած խաղաղությունը շարունակ հայրենիքից մասեր զիջելն է: Փաշինյանը կամ իր թիմը, եթե կարող են, թող հերքեն ՀՀ այսօրվա տարածքից նոր զիջումներ լինելո՞ւ են, թե՝ ոչ: Փաշինյանը ուղիղ հայտարարել է, որ ՀՀ-ում կան տարածքներ, որոնք ադրբեջանական են»:
Կարդացեք նաև
Արփինե ՍԻՄՈՆՅԱՆ
