Լրահոս
Օրվա լրահոսը

Հայ Առաքելական եկեղեցու աշխատանքը բարձր է գնահատում 18-34 տարեկան անձանց 76%-ը. «ԱՐԱՐ» հիմնադրամի հետազոտության արդյունքները

Օգոստոս 26,2025 18:15

«ԱՐԱՐ» քաղաքակրթական հետազոտությունների հիմնադրամն իրականացրել է հանրային-քաղաքական հիմնախնդիրների վերաբերյալ սոցիոլոգիական հետազոտություն: Հիմնադրամի գործադիր տնօրեն Արմեն Խաչիկյանը նշեց, որ հետազոտությունն իրականացվել է հուլիսի 17-ից օգոստոսի 5-ը:

Հարցին՝ ինչպես կգնահատեք ձեր ընտանիքի բարեկեցությունը, շուրջ 47 %-ը նշել է միջինից բարձր, հարցվածների շուրջ 36%-ը նշել է միջինից ցածր, 11%-ը նշել է շատ ցածր կամ ցածր, իսկ 5,2 %-ը նշել է բարձր կամ շատ բարձր:

Ինչ վերաբերվում է տարբեր կառույցներից գոհ կամ դժգոհ լինելուն, ըստ հետազոտության արդյունքների, պատկերը հետեւյալն է. մարդիկ ամենաշատ դժգոհ են ԱԺ-ից՝ 58,5%-ի կողմից ցածր գնահատական է ստացել օրենսդիր մարմնի աշխատանքը, միայն 18,5 %-ն է գոհ ԱԺ-ից:

ՀՀ Զինված ուժերը եւ եկեղեցին մշտապես բարձր վարկանիշ ունեն եւ բարձր հեղինակություն են վայելում, Զինված ուժերը՝ 62% վստահություն ունեն, եկեղեցին՝ 60: Ոստիկանությունից գոհ է 49%-ը, իսկ կառավարության աշխատանքից ընդամենը 28%-ն է գոհ :

Ընդ որում, Հայ առաքելական եկեղեցու աշխատանքը բարձր է գնահատում 18-34 տարեկան անձանց 76%-ը, իսկ 55 եւ ավելի տարիք ունեցողների դեպքում 45%-ն է բարձր գնահատում եկեղեցին, ինչը, Արմեն Խաչիկյանի ձեւակերպմամբ, թերեւս պայմանավորված է խորհրդային, աթեիստական անցյալով: Ըստ հետազոտության արդյունքների, ընդամենը 9 %-ն է ցածր գնահատել եկեղեցու աշխատանքը:

 Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2025
Երկ Երե Չոր Հնգ Ուրբ Շաբ Կիր
« Հուլ    
 123
45678910
11121314151617
18192021222324
25262728293031