Ամերիկացի ներդրողները կարող են կառուցել ճանապարհը, որը կապում է Ադրբեջանի հիմնական մասը Նախիջևանի Ինքնավար Հանրապետության հետ։ Այս մասին հայտարարել է Ադրբեջանի նախագահ Իլհամ Ալիևը «Ալ Արաբիա»-ին տված հարցազրույցում։
«Այժմ, երբ ԱՄՆ նախագահ Դոնալդ Թրամփն իր անունն է տվել Զանգեզուրի միջանցքին, վստահ եմ, որ այն կիրականացվի մոտ ապագայում։
Ինչ վերաբերում է ֆիզիկական ենթակառուցվածքների կառուցմանը, այսինքն՝ երկաթուղուն, դա շատ ժամանակ չպետք է պահանջի, քանի որ երթուղին ընդամենը 42 կիլոմետր է։
Եթե մենք այն կառուցեինք, դա կանեինք մեկ տարվա ընթացքում, քանի որ մենք ավելի շատ փորձ ունենք երկաթուղիներ կառուցելու հարցում։ Սակայն Հայաստանին կարող է ևս մի քանի տարի պետք լինել», – ասել է Ալիևը։
Կարդացեք նաև
«Իրականում դա կարևոր չէ մեզ համար։ Մեզ համար կարևորն այն է, որ երկաթուղին կառուցվի, և որ լինեն միջազգային անվտանգության երաշխիքներ։
Այլ կերպ ասած, Նախիջևանից Ադրբեջանի հիմնական մաս կամ հակառակը մեկնող ադրբեջանցիները պետք է անհարմարություն չզգան։ Նրանք չպետք է անհանգստանան իրենց անվտանգության համար՝ հաշվի առնելով երկարատև դիմակայությունն ու թշնամանքը», – հավելել է նա։
