Արարատի մարզում սկանդալային միջադեպ է եղել․ նախկին ոստիկանապետ Արամ Հովհաննիսյանի վարորդը` Վալիկո Սիմոնյանը, որն այժմ ոստիկանությունում է ծառայում, փորձել է խոչընդոտել պարեկների աշխատանքը՝ թույլ չտալով տուգանել Արարատում կրիմինալ պատմություններով հայտնի անձին, որն ԱԺ նախկին պատգամավոր Կարո Կարապետյանի (Յուվեցի Կարո) մտերիմն է եղել։
«Հրապարակ»-ի աղբյուրների փոխանցմամբ՝ Սիմոնյանը զանգել է պարեկներին, գռեհիկ արտահայտություններով վիրավորել նրանց: «Մենակ ագ․․․ կարաք ակտ գրեք, ձեր կամերան կկոխեմ ձեր…»,-ասել է նա։ Միջադեպը, սակայն, անսպասելի զարգացումներ է ունեցել։ Վիրավորված պարեկները զեկուցել են իրենց գումարտակի հրամանատարին, վերջինս փորձել է կոծկել կատարվածը` չի զեկուցել նախարարին։
Հաջորդ օրը հերթապահության դուրս եկած մի խումբ պարեկներ բունտ են բարձրացրել՝ հանձնելով «ուդո»-ները եւ պահանջելով՝ կա՛մ միջադեպը ներկայացնում եք նախարարին, կա՛մ իրենք լքում են ծառայությունը։ Դրանից հետո ստիպված են եղել զեկուցել վերադասին։ Ծառայողական քննությունից խուսափելու համար Արարատի գումարտակի հրամանատարը դիմում է գրել եւ ազատվել աշխատանքից։
Հոդվածն ամբողջությամբ՝ «Հրապարակ» օրաթերթի այսօրվա համարում:
