-Պետական բյուջեն ծախսվում է այնքան արդյունավետ, ինչքան մեզնից յուրաքանչյուրի ընտանեկան բյուջեն: Ոչ մի տարբերություն չկա,- այսօր կառավարության նիստում վստահեցրեց վարչապետ Նիկոլ Փաշինյանը:
Նա խոստովանեց, որ լինում են եւ անարդյունավետ ծախս, անորակ գնում. «Պետական գնումը չէ՞, լինում է, որ ասում են՝ տեսեք պետությունը, ճիշտ են ասում: Մենք դրա դեմ պայքարում ենք: Դե եկեք գնանք, տեսնենք, որ մենք գնում ենք շուկա, քանի՞ դեպք է լինում, որ ընտանիքի անդամներից մեկը բերում է, ասում ենք՝ էս ի՞նչ ձմերուկ ես բերել, էս ի՞նչ լոլիկ ես բերել, էս հավից հոտ է գալիս, էս կարագը կծված է: Եզակի՞ են էդ դեպքերը, իհարկե, եզակի չեն: Հիմա այդ նույն կծված կարագ առնող մարդը գալիս է աշխատանքի կառավարություն, ինքը նույն մարդն է»:
Նիկոլ Փաշինյանը պետական անարդյունավետ ծախսի, անորակ գնման հետ համեմատությունները շարունակեց ու հասավ մինչեւ մասնավոր խնջույքներ, Նոր տարվա աղցաններ. «Ուզում եմ ավանդական օրինակները բերել: Խնջույք ենք անում կամ Նոր տարին, ինչքան ծախսերը կրճատում, կրճատում ենք, արդյունքում թափվող սնունդը կա: Նոր տարվա անբաժանելի կոմպոնենտն է: Դա անարդյունավետ ծախս է: Մենք նույն մարդիկ ենք: Չենք կարող այս շենքում այլ կերպ լինել, նույն մարդիկ ենք: Այնպես չէ, որ միայն կառավարության կամ պետական ծառայողների Նոր տարվա ժամանակ է «ստալիչնի սալաթը» փչանում, բոլորի տներում էլ «ստալիչնի սալաթը» կամ ինչ-որ մի սալաթ փչանում է»:
Կարդացեք նաև
Կառավարության նիստն ամբողջությամբ
Արփինե ՍԻՄՈՆՅԱՆ
