«Ինչ վերաբերում է կառավարման առանձնահատկություններին, դրանք սահմանվում են հանրային բուհերի համար, և մենք օրենքով չենք կարգավորում մասնավոր բուհերի կառավարման համակարգը և դրա կառուցվածքը»,-«Քաղաքացիական պայմանագիր» խմբակցության պատգամավոր Թագուհի Ղազարյանի դիտարկմանը՝ այն, որ բուհերի հոգաբարձուների խորհուրդներում և ակադեմիական խորհուրդներում չեն կարող լինել քաղաքական պաշտոն զբաղեցնող և կուսակցական անձինք, մասնավոր բուհերից հարցնում են, որ իրենց կանոնադրության մեջ գրված է՝ ի պաշտոնե կրթության և գիտության նախարարը կարող է լինել իրենց խորհրդի անդամ, սա վերաբերում է բոլո՞ր բուհերին, այդ դեպքում արդյոք բուհերի կանոնադրությունները փոխելու կարիք չի՞ կլինի, երբ նոր օրենքի կարգավորումները մտնեն ուժի մեջ, ՀՀ ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նիստի ընթացքում այսպես պատասխանեց ՀՀ ԿԳՄՍ նախարար Ժաննա Անդրեասյանը։
Ըստ նախարարի՝ մասնավոր բուհերն ազատ են իրենք ձևավորելու իրենց կառավարման համակարգը այն ընդհանուր տրամաբանության մեջ, որը կգործի նաև հանրային բուհերի համար․ «Մենք մեր քաղաքական հանձնառության պատասխանատուն ենք, և ինչպես և այդ հանձնառությունը սահմանում էր, խոշորացված բուհերի հոգաբարձուների խորհուրդները և ոչ միայն, զերծ են լինելու նաև դե յուրե նման պաշտոն, դիրք ու կուսակցական պատկանելություն ունեցող անձանց ներգրավումից։ Մասնավոր բուհերը ազատ կլինեն իրենք որոշել իրենց կառավարման համակարգի առանձնահատկությունները, իհարկե, այստեղ պետք է հաշվի առնել, որ նրանց նկատմամբ գործելու են նույնպես բարեվարքության կանոնները և մնացած բոլոր սկզբունքները։ Ում կընդգրկեն, իրենք են որոշում, բայց պետք է պահպանեն հավատարմագրման, լիցենզավորման և ակադեմիական բարեվարքության բոլոր պահանջները»։
Կարդացեք նաև
Տաթև ՀԱՐՈՒԹՅՈՒՆՅԱՆ
