«Արցախի անկախության օրը կդառնա վերադարձի օր, մինչ այդ, առաջնորդվենք կարեւորագույն պատգամով՝ չհուսահատվենք, չկորցնենք մեր ազգային դիմագիծը։ Մենք իրավունք չունենք ծնկելու, կասկածելու, կոտրվելու, հայն իր լեռների պես համառ է ու անկոտրում։ Մենք ազգովի նորից կծածանենք հայոց եռագույնը Արցախի հողում»,- Ազատության հրապարակում ՀՅԴ հրավիրած հանրահավաքում ասաց Արցախի Հանրապետության պետնախարար Նժդեհ Իսկանդարյանը։
Նա նշեց, որ հայ լինելը պատիվ է, արժանապատվություն, Արցախի վերադարձը մի ողջ ժողովրդի պատվի խնդիր է, փորձությունն ուժեղների համար է, ոչ թե թույլերի։ «Մեր ժողովրդի արմատները ձգվում են դարերի խորքից, հնագույն ազգ ենք, Աստծո կողմից օրհնված, որ դիմացել ենք ամեն մի փորձության։ Զինվենք հավատով, խոհեմությամբ, լինենք միասնական, այս փորձությունը եւս հաղթահարենք»,- ասաց նա։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
