«Մեր երկրում քաղբանտարկյալների գոյությունը, որոնց թիվն այս փուլում երեք տասնյակի է հասնում, խոսում է մեր երկրում ստեղծված ռեժիմի բռնատիրական մոտեցումների մասին»,- խորհրդարանում լրագրողների հետ ճեպազրույցում հայտարարեց «Պատիվ ունեմ» խմբակցության պատգամավոր Տիգրան Աբրահամյանը։
Նա լրագրողներին հիշեցրեց՝ «Հայաստան» խմբակցության պատգամավոր Արթուր Սարգսյանն աշնանային նստաշրջանին չի մասնակցում, որովհետև գտնվում է ապօրինի կալանքի մեջ․ «Այն դատական նիստերը՝ խափանման միջոցի, որոնք եղել են, դրանք ևս ցույց են տվել իրավական տեսանկյունից, որ Արթուր Սարգսյանին մեղադրանքը որևէ ձևով չի արտահայտում իրականությունը, և իշխանության՝ այս ընթացքում իրականացվող քարոզչությունը, կեղծ մոտեցումները որևէ առնչություն չունեն իրականության հետ»։
Նա ահազանգեց՝ այս պահին շատ քաղաքացիներ գտնվում են ոչ միայն ապօրինի անազատության մեջ, այլև շատերը բանտերում չեն, բայց ապօրինի հետապնդման մեջ են։
Կարդացեք նաև
Տաթև ՀԱՐՈՒԹՅՈՒՆՅԱՆ
Լուսանկարը՝ «Սրբազան պայքարի» տելեգրամյան ալիքից
