«Լուսավոր Հայաստան» կուսակցության նախագահ Էդմոն Մարուքյանի տելեգրամյան ալիքի գրառումը.
Ալիևը տարիներ շարունակ հայտարարում էր և մինչև հիմա էլ պնդում է, որ ԵԱՀԿ Մինսկի խումբը ոտնահարել է Ադրբեջանի իրավունքները և հակամարտությունը չի լուծել իրենց օգտին։
Հիմա Փաշինյանը, որպեսզի արդարացնի իր կողմից արված կործանարար զիջումները, Արցախի կործանումը, ինչպես նաև ԵԱՀԿ Մինսկի խմբի լուծարումը, բառացիորեն կրկնում է այն, ինչ երկար տարիներ ասում էր Ալիևը։
Այստեղ մի մեծ խնդիր կա․ շուրջ մեկ տարի է, ինչ Փաշինյանը հրապարակային ընդունել է, որ մերժել է ԵԱՀԿ Մինսկի խմբի շրջանակներում մշակված խաղաղության պլանը, որի մասին հաշված մարդիկ են իմացել, և հենց այդ մերժումն էլ պատերազմի, 4 հազարից ավելի զոհերի և 150 հազար մարդու գաղթական դառնալու պատճառ է դարձել։
Կարդացեք նաև
Այդ մերժման արդյունքում է, որ ջախջախվել է ՀՀ ԶՈւ-ն, և դրա արդյունքում է, որ Հայաստանն այսօր վերածվել է ոչ մի բանի դիմաց իր ինքնիշխան տարածքները զիջող պետության։
Ախր ինչպե՞ս է ստացվում, որ Ալիևի նարատիվները Հայաստանում դառնում են պետական քաղաքականության գաղափարական ուղենիշեր։
