Հայաստանում տեղակայված Եվրոպական Միության քաղաքացիական առաքելության` EUMA-ի անդամները հանդիպել են Հարավային Կովկասի հարցերով ՆԱՏՕ-ի ներկայացուցչության պատվիրակության հետ՝ Ալեքսանդր Վիննիկովի գլխավորությամբ:
Հանդիպման ընթացքում հյուրերին ներկայացվել են առաքելության նպատակներն ու մանդատը, ինչպես նաև քննարկվել են տարածաշրջանում տեղի ունեցող զարգացումները:
ԵՄ քաղաքացիական առաքելությունից նշել են, որ շարունակում են աշխատել Հարավային Կովկասում խաղաղությունն ու կայունությունը պահպանելու ուղղությամբ:
