«2020-ից հետո ունեցել ենք իրավիճակ, երբ Ադրբեջանին փոխանցվել են շրջաններ Արցախի շուրջ, փոխանցվել են ռազմական մեծ նշանակություն ունեցող դիրքեր, Ստեփանակերտի վերևում՝ Շուշիում, տեղակայված էին ադրբեջանական զորքերը։ Այս իրավիճակում ասել՝ մնայիք, պայքարեիք, ես լուրջ չեմ համարում»,- Եռաբլուրում՝ 44-օրյա պատերազմի 5-ամյա տարելիցի օրը, լրագրողների հետ զրույցում հայտարարեց Արցախի նախագահ Սամվել Շահրամանյանը։
Հարցին՝ իսկ 5 միլիարդի զե՞նքը, նա այսպես պատասխանեց․ «Զենքի վերաբերյալ այս պահին նպատակահարմար չեմ համարում խոսել։ Հարուցված է քրեական գործ, որի շրջանակում հրավիրվել եմ որպես վկա հարցաքննվելու»։
Լրագրողների հարցին՝ հնարավորություն կա՞ր այնպիսի քայլեր ձեռնարկելու, որ այսպիսի արդյունք չունենայինք, Սամվել Շահրամանյանն այսպես պատասխանեց․ «Այդ ընթացքում ուժային կառույցի ղեկավար չեմ եղել։ Այսպիսի վերջնական տարբերակում չէինք կանխատեսում։ Իմ կարծիքով՝ մենք ձգտել ենք անել ամեն ինչ, որ այսպիսի արդյունք չունենանք»։
Կարդացեք նաև
Տաթև ՀԱՐՈՒԹՅՈՒՆՅԱՆ
