Հոկտեմբերի 3-ը Գերմանիայի միասնության օրն է։ Այն նշանավորում է 1990 թվականին Արևմտյան եւ Արևելյան Գերմանիաների վերամիավորումը: Տոնի առիթով Հայաստանում Գերմանիայի դեսպանությունը ընդունելություն էր կազմակերպել:
Հայաստանում Գերմանիայի Դաշնային Հանրապետության դեսպան Կլաուդիա Բուշը ներկաների առաջ ելույթ ունեցավ հայերեն: Դեսպանը ներկայացրեց,թե Գերմանիայի վերամիավորումը ինչ դրական հետեւանքներ ունեցավ Գերմանիայի եւ Եվրամիության վրա:
Դառնալով Հայաստանին նա ասաց. «Անվտանգության եւ բարեկեցության բանալին խաղաղության մեջ է»:
Կարդացեք նաև
Դեսպանի ձեւակերպմամբ, Գերմանիան երկար տարիներ ուղեկցում է այդ գործընթացը այլ գործընկերների հետ.«Մենք պատրաստ ենք հետայսու եւս աջակցելու տեւական խաղաղության հասնելու ճանապարհին»:
Դեսպանի հայերեն ողջույնի խոսքը՝ տեսանյութում
Հայաստանի փոխվարչապետ Մհեր Գրիգորյանը նշեց,որ այս հիշարժան օրը խորհրդանշում է Գերմանիայի ձեռքբերումները,ժողովրդավարական արժեքները,Գերմանիայի վերամիավորման օրը ազատության եւ մարդու իրավունքների ոգեշնչման աղբյուր է:
Գոհար ՀԱԿՈԲՅԱՆ
