Մեր վարչապետի թեկնածուն կլինի ընդունելի, եւ բոլորը կհավանեն նրա թեկնածությունը․ «Մեր ձևով» շարժման առաջին հաշվետու ժողովից հետո լրագրողների հետ զրույցում ասաց «Մեր ձեւով» շարժման համակարգող Նարեկ Կարապետյանը։
«Մենք մեր թեկնածուի մասին կհայտարարենք, երբ քաղաքական ուժ դառնալու մասին կհայտարարենք։ Մենք ասել ենք, որ Ռոբերտ Քոչարյանի եւ Սերժ Սարգսյանի հետ նախընտրական որևէ միավորման չենք գնալու, բայց չենք ասել, որ այդ ուժերի որևէ ներկայացուցչի հետ համագործակցության կամ միավորման չենք գնա»,– ասաց նա՝ հավելելով, որ իրենք պատրաստ են բոլորի հետ համագործակցության, բայց ունեն երկու նախապայման․ մարդիկ, ում հետ իրենք համագործակցելու են, պետք է լինեն իրենց գործում պրոֆեսիոնալներ եւ ունենան «մաքուր ձեռքեր»։
Մանրամասները՝ տեսանյութում
Կարդացեք նաև
Հիշեցնենք, որ Նարեկ Կարապետյանը հայտարարել էր՝ քաղաքական ուժ դառնալու մասին խոսելու են հունվարին։
Նարեկ Կարապետյանն ասաց՝ անելու են ամեն ինչ, որ ՔՊ-ն արդեն երկրորդ անգամ դառնա ընդդիմություն․ «Ինձ թվում է՝ ՔՊ-ն ավելի լավ ընդդիմություն է, քան իշխանություն։ Յուրաքանչյուր ընդդիմության համար հիմնական, արմատական հարցն է, որպեսզի ընդդիմադիր բոլոր գործիչները ոչ մի ձև չհամագործակցեն իշխանության հետ, եթե մեր որևէ քայլ կարող է աջակցել նրան, որ ընդդիմությունը տարանջատվի և իշխող ուժը կարողանա իշխանությունը պահել, իհարկե մենք դրան դեմ կլինենք։ Անելու ենք ամեն ինչ, որ ՔՊ-ն արդեն երկրորդ անգամ դառնա ընդդիմություն»։
Հարց հնչեց նաեւ ՀԷՑ–ի վերաբերյալ իշխանությունից հնչող տեսակետների մասին։ Նարեկ Կարապետյանը հիշեցրեց, որ ընդհանուր սակագինը, գնումները հաստատել է ՀԾԿՀ–ն, որի նախագահին նշանակել է ՔՊ–ն եւ հորդորեց՝ իրենց բացթողումներն ու թերացումներն ուրիշների վրա չգցեն։ Նա նաեւ հավելեց, որ ՀԷՑ-ում մնացած բոլոր ծախսերն արել է Սամվել Կարապետյանն իր անձնական միջոցներից։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
