«Թեհրանում բացվել է մետրոյի «Սուրբ Մարիամ» կայարան՝ հայերեն գրություններով և քրիստոնեական մոտիվներով որմնանկարներով՝ ի պատիվ Իրանի հայ համայնքի», – նշում են իրանական լրատվամիջոցները։
«Մետրոյի «Սուրբ Մարիամ» կայարանը Թեհրանի Սուրբ Սարգիս հայկական եկեղեցուց ընդամենը երկու րոպե քայլելու հեռավորության վրա է և ակնկալվում է, որ այս քայլով զգալիորեն կհեշտանա հայկական մշակութային և կրոնական կենտրոն այցելելը։
Մետրոյի այս կայարանը մարտահրավեր է նետում Իրանի վերաբերյալ արևմտյան կարծրատիպերին», – նշում է WANA լրատվական գործակալությունը:
Կարդացեք նաև
Ըստ լրատվամիջոցի՝ սոցցանցերի ոչ իրանցի օգտատերերը դրական են արձագանքել մետրոյի կայարանի մասին լուրին՝ այն որակելով որպես «ապացույց, որը հակասում է արևմտյան լրատվամիջոցների կողմից Իրանի մասին հաճախ ներկայացված բացասական պատկերին»։
Շատ օգտատերեր նշել են, որ մայրաքաղաք Թեհրանում մետրոյի կայարանը Հիսուսի մոր՝ Մարիամի անունով կոչելը «արտացոլում է իրանցիների կողմից հայերի և այլ Աբրահամյան հավատքների հետևորդների նկատմամբ ցուցաբերվող հարգանքը»։
«Խորհրդանշական ակնարկ համակեցությանը. քրիստոնյաները, հրեաները և զրադաշտականները սահմանադրորեն պաշտպանված են և խաղաղ ապրում են Իրանում, և խորհրդարանում տեղեր նախատեսված են յուրաքանչյուրի համար։ Նույնիսկ մետրոն այժմ տարածում է այդ ուղերձը:
Մինչ Արևմուտքը դասախոսություններ է կարդում հանդուրժողականության մասին, Թեհրանը դա աննկատելիորեն կիրառում է՝ նույնիսկ «գետնի տակ»»,- X-ում նշել է լրագրող, Հեզբոլլահի և Իրաքի մասին գրքերի հեղինակ Հալա Ջաբերը:
