Քիչ առաջ մեկնարկեց ՀՀ ԱԺ արտահերթ նիստը։ Օրակարգում երեք հարց է։
Մասնավորապես կքննարկվի այս նստաշրջանում արդեն առաջին ընթերցմամբ ընդունված ՔՊ-ական պատգամավորներ Թագուհի Ղազարյանի և Սիսակ Գաբրիելյանի՝ «Տեսալսողական մեդիայի մասին» օրենքում փոփոխություն կատարելու մասին նախագիծը։
Շատերը մտահոգություն ունեն, որ սա «Շողակաթ» հեռուստաալիքը փակելու համար նախագիծ է։
ՔՊ խմբակցության պատգամավոր Բաբկեն Թունյանը ներկայացրեց, թե մյուս երկու հարցերը որոնք են․ «Առաջինը ՀՀ-ում հարկային օրենսգրքում լրացումներ ու փոփոխություններ կատարելու մասին փաթեթն է, որը վերաբերում է եկամուտների հայտարարագրման համակարգի հետ կապված փոփոխություններին։ Փորձելու ենք արագացված կարգով ընդունել, որ մինչև նոյեմբերի 1-ը կարգավորումները հասցնեն ուժի մեջ մտնել։ Նախագծի հեղինակը ՔՊ-ն է։ Երկրորդ նախագիծը դատական դեպարտամենտի ծառայության մասին օրենքում փոփոխություններ կատարելու մասին նախագիծն է։ Հրատապությունը պայմանավորված է այն հանգամանքով, որ նախագիծը վերաբերվում է դատական համակարգի բարեփոխումներին»։
Կարդացեք նաև
ԱԺ արտահերթ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
