Բագրատ սրբազանի եւ մյուսների գործով դատական նիստում այսօր դռնփակ քննվեց նաեւ մեղադրյալներից ԱԺ «Հայաստան» խմբակցության պատգամավոր Արթուր Սարգսյանի խափանման միջոցը փոխելու վերաբերյալ պաշտպանի ներկայացրած միջնորդությունը:
-Թեեւ Արթուր Սարգսյանի դեպքում կալանքը ընդհանրապես վերացնելու միջնորդությունը առավել քան ողջամիտ է, իրավաչափ է, լեգիտիմ է: Բայց հաշվի առնելով իրականությունը, որ տեսնում ենք, որ կալանքները ռեկորդային ցուցանիշ ունեն, որոշեցինք անցնել այսօրվա իրականության մեջ հնարավորություն ենթադրող միջնորդությանը՝ տնային կալանքը խոշոր չափի գրավով համակցված: Դատարանը որոշեց մեկ շաբաթով հետաձգել քննությունը, հաջորդ հինգշաբթի շարունակելու ենք միջնորդության քննությունը,- հավելեց Վարդեւանյանը:
Նա նաեւ մտահոգված էր այսօր իր միջնորդության վերաբերյալ դատախազների դիրքորոշումից. «Կարծես առարկեցին, բայց այնպիսի հիմք ենք ներկայացրել, որի առարկելը համարում եմ՝ կարող ենք չունենալ»:
Կարդացեք նաև
Հիշեցնենք, որ Բագրատ սրբազանն ու մյուսները մեղադրվում են ահաբեկչության, զանգվածային անկարգությունների եւ իշխանության բռնազավթման մեջ։
Արփինե ՍԻՄՈՆՅԱՆ
