Տավուշի մարզպետն իշխանահաճո այն քարոզչությունն է զարգացնում, թե Մայր Աթոռը Օհանավանքի պատարագը չի կարող պղծություն որակել, քանի որ այնտեղ հազարավոր մարդիկ էին գտնվում:
Այս պաշտոնյային հիշեցնենք, որ ՄԱՐԴԻԿ ՉԵՆ ՈՐԱԿՎԵԼ ՊՂԾՈՒԹՅՈՒՆ, այլ կարգալույծ քահանայի միջոցառումը, քանզի դա նույնն է, թե Դուք, պարոն մարզպետ, մկրտության ծես կատարեք կամ պատարագ մատուցեք թեկուզ մեկ միլիոն մարդու ներկայությամբ:
Ճիշտն ասած՝ եթե Դուք դա անեիք, ավելի մեղմ հանցանք կլիներ, քանզի կարգալույծ չեք: Կարելի է ենթադրել, թե ի չգոյե քահանայի՝ բարի մղումով եք դիմել այդ քայլին:
Բայց կարգալույծ քահանան լավ գիտի, թե ինչ է անում և, ցավոք, ի դժբախտություն իրեն, ուզում է կրկնել մեղքը:
Ուզում եմ հարցնել Ստեփան անունով այդ մարդուն. եթե մինչ Ձեր կարգալույծ լինելը մեկ այլ կարգալույծ քահանա նույն բանն աներ, Դուք ինչպե՞ս կգնահատեիք այդ արարքը:
Կարդացեք նաև
Վստահ եմ՝ գիտեք ճիշ պատասխանը, բայց նաև վստահեմ, որ չեք բարձրաձայնի:
Մեղքի ճահիճի մեջ ավելի խորը չընկղմվելու և շուտափույթ կերպով մոլորեցնողների պիղծ ճիրաններից Ձեզ ազատված տեսնելու անկեղծ ցանկությամբ՝
Հայկազուն ԱԼՎՐՑԵԱՆ
