-Ես պաշտոնապես հայտարարում եմ, որ 2008 թվականի «մարտի մեկի» գործը ամբողջովին բացահայտված է,- այսօր Հակակոռուպցիոն դատարանում՝ դատավոր Սարգիս Պետրոսյանի նախագահությամբ, Ռոբերտ Քոչարյանի եւ մյուսների գործով դատական նիստում հայտարարեց «մարտի 1-ին» զոհված Գոռ Քլոյանի հայրը՝ Սարգիս Քլոյանը:
Վերջինս այս հայտարարությունն արեց, երբ մեղադրող դատախազը ժամանակ խնդրեց արձագանքելու գործով մեղադրյալ, նախկին փոխվարչապետ Արմեն Գեւորգյանի եւ նրա պաշտպան Լուսինե Սահակյանի հայտնած փաստարկներին:
-Պաշտպանական կողմից առաջ է քաշվել երեք թեզ. 1-ին՝ հարուցվել է քրեական նոր հետապնդում, 2-րդ՝ չի հաղթահարվել մեղադրյալներից երկուսի անձեռնմխելիությունը եւ մեղադրանքի փոփոխումը կատարվել է ոչ թե իրավական որակման, այլեւ փաստական կողմի առումով:
Այս երեք թեզերի հակափաստարկներն էլ մեղադրական կողմն ունի, բայց պարոն Գեւորգյանի եւ տիկին Սահակյանի ելույթներում հնչեցին որոշակի պնդումներ ու դիրքորոշումներ, որոնց վերաբերյալ կցանկանայի մանրամասն արձագանքել,- ասաց դատախազը:
Կարդացեք նաև
Դատարանը նիստը ընդմիջեց մի քանի րոպեով, որ մեղադրող դատախազը պատրաստի իր դիրքորոշումը:
Արփինե ՍԻՄՈՆՅԱՆ
Լուսանկարը՝ Սարգիս Քլոյանի ֆեյսբուքյան էջից
